Европа кенгаши президенти Антониу Кошта Самарқанд шаҳрида бўлиб ўтадиган “Марказий Осиё—Европа иттифоқи” биринчи саммитида иштирок этиш учун 2 апрель куни Ўзбекистонга келди.
Олий мартабали меҳмонни Самарқанд халқаро аэропортида Ўзбекистон бош вазири Абдулла Арипов ва бошқа расмийлар кутиб олди.
-EyGC4J-1.avif)
Ҳукумат раҳбари матбуот котиби Бекзод Ҳидоятовнинг маълум қилишича, қисқа суҳбатдан сўнг Европа кенгаши президенти ташриф дастурига мувофиқ навбатдаги манзилга жўнаб кетди.
“Марказий Осиё—Европа иттифоқи” биринчи саммити ҳақида
Ушбу саммит Самарқанд шаҳрида 3—4 апрель кунлари бўлиб ўтади. Шавкат Мирзиёев раислигида ўтадиган саммит ишида Европа кенгаши президенти Антониу Кошта, Европа комиссияси президенти Урсула фон дер Ляйен, Қозоғистон республикаси президенти Қосим-Жўмарт Тўқаев, Қирғиз Республикаси президенти Садир Жапаров, Тожикистон президенти Эмомали Раҳмон ва Туркманистон президенти Сердар Бердимуҳамедов иштирок этади.
Саммит нафақат минтақавий, балки глобал сиёсий ва иқтисодий жараёнлар учун муҳим воқеликдир. Мазкур саммит Европа иттифоқи ва Марказий Осиё давлатлари ўртасидаги ҳамкорликнинг янги босқичини бошлаб беради.
Изоҳ (0)