Самарқанд вилоятида Cobalt ҳайдовчиси йўлнинг белгиланмаган қисмидан ўтаётган 8-синф ўқувчисини уриб юборди. Бу ҳақда вилоят ЙҲХБ хабар берди.
Маълум қилинишича, ҳолат 29 апрель куни соат 17:00 ларда Самарқанд шаҳар Ўзбекистон кўчасида содир бўлган. Cobalt ҳайдовчиси йўлнинг белгиланмаган қисмидан ўтаётган, вояга етмаган, 2009 йилда туғилган, 8- синф мактаб ўқувчисини уриб юбориб, ЙТҲ содир этган.
Оқибатда вояга етмаган мактаб ўқувчиси тан жароҳатлари олиб, шифохонага даволаниш учун ётқизилган. Мазкур ҳолат юзасидан Самарқанд шаҳар ЙҲХБ томонидан дастлабки суриштирув ҳаракатлари олиб борилмоқда.
Изоҳ (0)