Шавкат Мирзиёев 8 май куни амалий ташриф билан Москвага борди. Бу ҳақда Президент матбуот хизмати хабар берди.
Маълум қилинишича, “Внуково” халқаро аэропортида давлат раҳбарини Россия ҳукумати раиси ўринбосари — саноат ва савдо вазири Денис Мантуров ва бошқа расмий шахслар кутиб олди.
Россия президенти Владимир Путиннинг таклифига биноан Ўзбекистон етакчиси кузатувчи давлат раҳбари сифатида Олий Евросиё иқтисодий кенгашининг навбатдаги йиғилишида ҳамда Иккинчи жаҳон урушидаги ғалабанинг 79 йиллигига бағишланган тантанали тадбирларда иштирок этади.
Икки кунлик ташриф доирасида қатор икки томонлама учрашувлар ўтказилиши ҳам режалаштирилган.
Изоҳ (0)