Украина хавфсизлик хизмати 1 июнь куни Россиянинг бешта ҳудудидаги ҳарбий аэродромларга дронлар билан ҳужум қилди. Дронлар Россия ҳудудидаги юк машинасининг томига яширилган бўлиб, масофадан бошқарилган. Украина президенти Владимир Зеленский “Ўргимчак тўри” номли мазкур операцияга ўз муносабатини билдирди.
Зеленский мазкур операцияда иштирок этган хавфсизлик хизматига, шахсан генерал Малюкка миннатдорлик билдирган.
Операцияга бир ярим йилдан кўпроқ тайёрладик. Режалаштириш, ташкил этиш, барча тафсилотлар мукаммал тайёрланган. Ишонч билан айтиш мумкинки, бу мутлақо ноёб операция, деган Украина президенти.
У операциянинг “офиси” Россия вилоятларидан бирида Федерал хавфсизлик хизмати бошқармаси ёнида жойлашганини айтди. Операцияда 117 та дрон, шунингдек, учта вақт минтақасида ишлайдиган кўп сонли операторлардан фойдаланилган.
Аэродромлардаги стратегик қанотли ракета ташувчиларнинг 34 фоизига зарар етган. Бизнинг одамларимиз Россиянинг турли ҳудудида фаолият кўрсатди... Операция бошланишидан олдин одамларимиз, бизга ёрдам берганлар Россия ҳудудидан олиб чиқилди, ҳозир улар хавфсиз жойда, деди сиёсатчи.
Украина Хавфсизлик хизматига кўра, Россиянинг стратегик қанотли ракета ташувчиларининг 34 фоизини йўқ қилишга эришилган.
Россия аэродромларига берилган зарбалариРоссия стратегик авиациясига қилинган энг йирик ҳужум дея баҳоланмоқда.
Изоҳ (0)