Мексикада қуролланган жиноятчилар Grupo Minero Bacis компаниясига тегишли 33 тонна олтин ва кумуш концентрати ортилган юк машинасини талон-тарож қилди. Бу ҳақда Bloomberg агентлиги хабар бермоқда.
Натижада компания миллионлаб доллар зарар кўрган.
Маълумотларга кўра, босқинчилар иккита оқ автомобиль билан ярим тиркамани тўсиб, ҳайдовчи ва уни кузатиб бораётган қўриқчиларга ҳужум қилиб, уларни бир ярим соат давомида гаровга олишган. Тинч океани бўйидаги Мансанило портига йўл олган юк машинаси топилган, аммо унга бириктирилган олтин ва кумуш концентрати юкланган тиркама топилмаган.
Аниқ молиявий йўқотишлар ҳали ҳисоблаб чиқилмаган бўлса-да, Grupo Minero Bacis йўқотишлар миллионлаб долларга етишини маълум қилган.
Таъкидланишича, 2025 йилнинг дастлабки икки ойида Мексика йўлларида талончилик ҳолатлари ўтган йилга нисбатан салкам икки баробарга ошган. Ўтган йил жами 24 мингта юк ўғирланиши қайд этилган эди.
Олтин ва кумуш концентратлари асл маъданга қараганда қимматбаҳо металларнинг юқори миқдорини ўз ичига олган материаллар ҳисобланади.
Ўтган йили Франциянинг Паре-ле-Мониал коммунасидаги музейдан қуролланган шахслар миллий бойлик сифатида тан олинган заргарлик буюмларининг бир қисмини ўғирлаб кетилганди. Мазкур заргарлик буюмларининг тахминий нархи 7 миллион еврони ташкил қилади.
Изоҳ (0)