Тошкентдаги Ракат масжиди имоми Мадинада вафот этди

Тошкентнинг Яккасарой туманидаги Ракат масжиди имом-хатиби Раббимқул Муҳаммадиев Мадина шаҳрида вафот этди.

Масжид Telegram-каналида хабар қилинишича, имом Мадинада бетоб бўлиб, комага тушиб қолган ва 26 май куни тонгда вафот этган.

У 2025 йил ҳаж мавсумида ўзбекистонлик зиёратчиларга элликбоши сифатида юборилганди.

Раббимқул Муҳаммадиев 2019 йил июлидан буён Ракат масжиди имом-хатиби эди. Бунга қадар Олмазордаги Имом Термизий масжидида имом-хатиб бўлган.

Ўзбекистон мусулмонлари идораси маълумотларига кўра, “Ҳаж – 2025” мавсумида ҳожиларга 14 нафар мингбоши, 303 нафар элликбоши хизмат қилади.