Қозоғистоннинг Остона шаҳри 28 июндан 7 июлгача World Boxing ташкилоти кубоги баҳсларининг навбатдаги босқичига мезбонлик қилди. Бу сафар ушбу мусобақада Ўзбекистон аёллар терма жамоаси иштирок этди. Мазкур турнирда Элшод Расулов мураббийлигида 9 нафар ўзбекистонлик спортчи қатнашиб, 1 та олтин ва 4 та бронза медалига эга чиқди.
Ўзбекистон терма жамоаси шарафини қуйидаги спортчилар ҳимоя қилди:
- -48 кг — Фарзона Фозилова
- -51 кг — Сабина Бобоқулова
- -54 кг — Феруза Казакова
- -57 кг — Хумора Маъмажонова
- -60 кг — Ситора Турдибекова
- -65 кг — Навбаҳор Ҳамидова
- -75 кг — Азиза Зокирова
- -80 кг — Соҳиба Рўзметова
- +80 кг — Олтиной Сотимбоева
Мусобақа якунларига кўра, Ўзбекистон шарафини ҳимоя қилган 5 нафар боксчи қиз ғолиб ва совриндорлар қаторидан жой олди. Хусусан, -65 кг вазн тоифасида рингга чиққан Навбаҳор Ҳамидов туркиялик Олимпиада чемпиони ва уч карра Жаҳон чемпиони Бусеназ Сурменелини 5:0 ҳисобида мағлубиятга учратиб, олтин медалга эга чиқди. Шунингдек, -54 кг вазн тоифасида Феруза Казакова, -75 кг вазн тоифасида Азиза Зокирова, -80 кг вазн тоифасида Соҳиба Рўзметова ва +80 кг вазн тоифасида рингга чиққан Олтиной Сотимбоева каби боксчилар бронза медалига эга чиқди.
Ғолиб ва совриндорлар билан танишинг:
Олтин медал:
- -65 кг — Навбаҳор Ҳамидова
Бронза медал:
- -54 кг — Феруза Казакова
- -75 кг — Азиза Зокирова
- -80 кг — Соҳиба Рўзметова
- +80 кг — Олтиной Сотимбоева
Шунингдек, Навбаҳор Ҳамидова ушбу тоифадаги мусобақада олтин медалини қўлга киритган илк ўзбекистонлик боксчи қизга айланди.
Изоҳ (0)