Энергетикларнинг ёрқин идишлари замонавий ёшлар ҳаётининг ажралмас атрибутига айланди. Имтиҳонлардаги талабалар, геймерлар, мусобақаларга тайёрланаётган спортчилар — кўпчилик бу ичимликларни тетиклашишнинг зарарсиз усули сифатида қабул қилади. Аммо энергиянинг “беминнат манбаи” ортида соғлиққа жиддий зарба яширинган.
Энергетиклар таркибида кофеин, глюкоза, Л-карнитин, таурин ва B гуруҳ витаминлари мавжуд бўлиб, улар вақтинчалик ақлий ва жисмоний фаолиятни рағбатлантиради, аммо, шу билан бирга, юрак-қон томир тизимига жиддий таъсир кўрсатади.
Ушбу ичимликлар юрак уришини тезалаштириб, қон босимини оширади, шунингдек, юрак ритмининг бузилишига олиб келиши мумкин, деб ҳисоблайди шифокорлар.
Энергетиклар ўсмирлар учун, айниқса, хавфлидир. Кофеин уйқуни бузади, бу тўлиқ дам олишга муҳтож бўлиб ўсаётган организм учун жуда муҳимдир. Бундан ташқари, юракка юкламанинг ортиши миокард ишемияси ва ҳатто инфаркт хавфини оширади.
Шифокорларнинг таъкидлашларича, бундай ичимликларни тез-тез истеъмол қилиш саломатликка салбий таъсир кўрсатади ва юрак-қон томир тизими учун жиддий оқибатларга олиб келиши мумкин.
Изоҳ (0)