Турк сериаллари мухлислари узоқ йиллардан бери кўплаб сюжет бурилишларини кузатиб келишган. Шу боис кўпчилик воқеаларнинг қандай ривожланишини олдиндан тахмин қила олади. Аммо ҳатто энг тажрибали томошабинларни ҳам ҳайратда қолдирган, якуни билан узоқ ёдда қоладиган сериаллар мавжуд. Бу турдаги сериаллар нафақат воқеалар ривожи, балки кутилмаган финали билан ҳам ажралиб туради. Қуйида айнан шундай сериаллардан энг қизиқарли 8 таси жамланган.
“Лейла”
“Лейла” сериалининг финали ҳали намойиш этилмаган. Бироқ у томошабинларни, шубҳасиз, ҳайратда қолдиради деб айтиш мумкин.
“Лейла” бу афсонавий “Бразилия хиёбони” сериалининг туркча мослашмасидир. Сюжетга кўра, кичкина қизалоқ ўгай онасининг маккорлиги туфайли отасиз қолади ва болалиги чиқиндихонада ўтади. Ана шу оғир шароитларда улғайган қаҳрамон юрагида ҳамма нарсани тортиб олган золим Нурдан қасос олиш орзуси бўлади.
Йиллар ўтиб, Лейла ўқишни муваффақиятли тугатади ва нуфузли ресторанда ошпаз бўлиб ишлай бошлайди. Айнан шу ерда тақдир уни барча азоб ва йўқотишларга сабабчи бўлган одам билан яна тўқнаш келтиради. Шунда у ўзини Эла деб таништириб, ўгай онасининг уйига хизматкор бўлиб киришга қарор қилади. Нур эса одатдагидек ҳашаматли ҳаёт кечираётган бўлади.
Бироқ кутилмаганда воқеаларга болаликдаги илк муҳаббат аралашади. Энди эса Лейла қийин танлов қаршисида туради: юракни ром қилувчи эртакнамо севги, ёки йиллар давомида ўчмаган қасос...
“Заҳарли печак”
“Заҳарли печак” сериали барча турк сериалларидан жуда фарқ қилади ва дарҳол биринчи дақиқадан томошабинни лол қолдиради. Ҳатто суратга олиш услуби ҳам Девид Финчернинг “Йўқолган аёл” (Гоне Гирл) фильмидан олингандек туюлади.
Ким ёмон, ким яхши эканини тушуниш қийин, шунинг учун бош қотиришга тўғри келади. Чунки дастлаб асосий қаҳрамон Эзги ҳаёти барқарор ва бахтли кўринади: унинг меҳрибон оиласи, севимли иши ва хавфсиз ҳудудда жойлашган шинам уйи бор.
Аммо воқеалар одатдагидек кечмайди — бегона бир одам Эзгига унинг эри уни ўлдирмоқчи эканини айтади. Янги қўшни эса кўпчиликка “яхши”дек кўриниб, ҳолатни янада чигал қилиб қўяди. Ҳудудда унинг ўлгани ҳақидаги хабар тарқалгач, барча шубҳалар Эзгига қаратилади, чунки у сўнгги пайтларда ғалати хатти-ҳаракатлар қилган.
Аммо ҳақиқатда қотилликни асосий қаҳрамон амалга оширганми? Ёки бу воқеа анча мураккаб ва чалкашроқми?
“Бутунлай бошқача”
“Бутунлай бошқача” сериалини кўрганлар, албатта, бундай якунни кутмаган эди. Баъзилар эса лойиҳанинг иккинчи мавсуми бўлишини умид қилган, аммо бу амалга ошмади.
Асосий қаҳрамон — прокурор Лейла ўзининг туғилган шаҳрига қайтади ва дарҳол унга жиноят иши топширилади: машҳур тадбиркор ўлдирилган. Лейланинг вазифаси жиноятни очиш бўлиб, унга кўркам телебошловчи Кенан ёрдам беришга ҳаракат қилади. Аммо муаммо шундаки, у ҳаммадан, ҳатто ўзидан ҳам сирни яширади — бу сир терговни ва гўзал севги воқеасини анча мураккаблаштиради.
“Шахсият”
Бу фильмда ҳам “Заҳарли печак” каби деярли ҳамма нарса ноодатий. Кинодаги “диққатга сазовор жиҳат ” — Ҳалук Билгинернинг ажойиб актёрлик ижросидир, у яқинда Анжелина Жоли билан бир фильмда суратга тушган эди.
Асосий қаҳрамон Агаҳ илгари суд-тиббий эксперти сифатида ишлаган, аммо ҳозирда у нафақада ва ҳаётдан умидини узган, унда Альцгеймер касаллиги тез ривожланмоқда. Ҳатто унинг мушуги ҳам вафот этган ва ёнида ҳеч ким қолмаган. Касаллик ташхиси Агаҳни қотиллик йўлига бошлайди, чунки у ишонади — хотира муаммолари туфайли у виждон азобидан қутулади.
Сирли жиноятчининг изидан, унинг ҳаётига Невра исмли қиз киради. Агаҳ билан танишиш унинг ҳаёти ва карьерасида бурилиш нуқтаси бўлади. Ушбу лойиҳа эса қонун билан ҳақиқий адолат ўртасидаги фарқни кўрсатишни мақсад қилган.
“Ўлимга қадар”
“Ўлимга қадар” каби сериаллар одатда яхши якунланиши керак, чунки Туркияда кўпинча бошқачаси кам учрайди. Лекин бу ерда ҳаммаси ўзгача кечади. Сериалнинг бош қаҳрамони қотилликда айбланиб, умрбод қамоқ жазосига ҳукм қилиниши билан ҳаммаси бошланади.
Жиноят унинг тўйи куни содир бўлган, қурбон эса келиннинг отаси эди. Айбланувчининг ҳимоясини ёш адвокат қиз ўз зиммасига олади. Улар орасида севги пайдо бўлади, аммо бу ҳис-туйғулар ҳам воқеалар ривожини ўзгартиришга қодир эмас. Реалистик финал ҳатто фантазияга мойил томошабинларни ҳам баъзи нарсаларни энг яхши ҳис-туйғу билан ҳам ўзгартиб бўлмаслигига ишонтиради.
“Илк ва сўнгги”
Агар “Илк ва сўнгги” сериали ҳақида гапирадиган бўлсак, аввало, биринчи мавсумга тўхталиш керак, унда биз Бариш ва Денизнинг ҳикояси билан танишамиз. Ҳар бир мавсум янги жуфтлик ҳақида бўлгани учун уларнинг якуни алоҳида кўриб чиқилиши мақсадга мувофиқ.
Асосий қаҳрамонлар — ўзаро тил тополмай, муносабатлардаги муаммоларни ҳал қила олмагани учун ажрашишга қарор қилган жуфтлик. Томошабинларга уларнинг севги тарихи ретроспектив тарзда кўрсатилади, бахтли ва романтик лаҳзалар эса айни пайтда жуфтлик бошидан кечираётган ҳақиқат билан уйғунлашади.
“Иффат”
Ушбу сериал ёш ва гўзал Иффат ҳақидаги воқеани сўзлайди. У отаси ва кичик синглиси билан Истанбулнинг энг қадимий туманларидан бирида яшайди. Иффат такси ҳайдовчиси Жамилга ошиқ бўлади.
Қиз ич-ичидан севгилиси унга турмуш қуриш такифини беришини хоҳлайди. Аммо муаммо шундаки, Жамил Иффатга уйланмоқчи эмас, чунки унинг бутунлай бошқа режалари бор. Буни қиздан яширишга бўлган уринишлар уларнинг учрашувлари давом этишига олиб келади, натижада Иффат ҳомиладор бўлади.
Сериал мухлислари якунни бутунлай мантиқсиз деб аташган, гарчи сериал муддатидан олдин тугатилмаган бўлса ҳам. Ҳикоя ўртада тўхтаб қолган каби кўринади, аммо аслида сценарий муаллифлари сериалга ишончли нуқта қўйган. Фақат бу якунни томошабинлар қабул қилмаган.
“Элчининг қизи”
Санжар ва Нара ҳақидаги ҳикояни ҳатто турк сериаллари оламидан узоқ одамлар ҳам билади, дейиш мумкин. Уларнинг муҳаббати ажойиб бошланади, бироқ биринчи тўй кечасида қизнинг севгилиси олдида содиқлиги шубҳа остига олинади. Қаҳрамоннинг изоҳларини тингламоқчи бўлмаган йигит уни шунчаки ҳайдаб чиқаради ва ёдидан ўчиради.
Йиллар ўтади ва Нара билан Санжарнинг йўллари яна кесишади. Албатта, улар орасида ҳали ҳам ҳис-туйғулар бор, аммо бундай “оғир” муҳаббат ҳақиқий курашга арзийдими? Лойиҳанинг сўнгги қисми кўп жиҳатдан Неслиҳан Атагул лойиҳадан кетиши сабаб жиддий тус олган. Лекин лойиҳа янада кўпроқ танқидга учради, чунки сценарий муаллифлари ноўрин патриархал қадриятларни қўллаб-қувватлаган ва зўравоннинг қурбонини айбдор қилиб кўрсатишга улгурган.
Изоҳ (0)