Payme тўлов хизмати фойдаланувчилари инстаграмда урикгули тахаллуси билан танилган блогер ва экофаол Мўтабар Хушвақтова лойиҳасини қўллаб-қувватлаш учун — 1 млрд балл тўплашди. Ушбу ташаббус туфайли ноябрь ойида "Навоийазот" АЖ ҳудудида мингдан ортиқ дарахт экилди.
Октябрь ойида Мўтабар ўз блогида Навоийда дарахт экиш учун пул йиғилишини эълон қилди. Аммо пул миқдори етарли тарзда ошиб бормади ва пайме ходимлари ушбу лойиҳани қўллаб-қувватлашга қарор қилишди. Компания тўлов хизматининг миллионлаб фойдаланувчилари орасида сайёрамизга ёрдам беришни истайдиганлар етарлича топилишига ишончи комил эди ва бу ишонч ўзини оқлади. Бир неча кун ичида пайме маҳалла иштирокчилари ташаббусни қўллаб-қувватлаш учун 1 миллиард балл хайрия қилишди.
Лойиҳада биологлар ва тупроқшуносларнинг иштироки муҳим аҳамият касб этди. Уларнинг тавсиялари асосида экиш учун жой ва дарахтларнинг мақбул тури - маҳаллий иқлим шароитига чидамли боғ қайрағочи танланди. Қўшимча равишда дарахтларнинг парваришини таъминлаш учун ҳудудни танлаш маҳаллий бошқарув органлари билан келишилди. "Навоийазот" АЖ уларни парваришлашни таъминлайди.
"Payme компанияси вакиллари ишонамизки, табиатга ғамхўрлик пухта ўйланган ечимларни талаб қилади. Биз учун нафақат дарахт экиш, балки улар узоқ йиллар яшаши учун шароит яратиш муҳимдир. Машҳур блогер, давлат идоралари ходимлари, биологлар, пайме мижозлари ва бизнинг жамоамиз каби мамлакат бўйлаб турли одамларни ушбу ташаббус бирлаштирганидан хурсандмиз," — деб ўртоқлашди ўз фикрлари билан пайме насия маҳсулот менежери ва ЭСГ мутахассиси Анна Постнова.
"Бу лойиҳа — биргаликдаги саъй-ҳаракатлар атроф-муҳитни яхшилашга қодир эканлигига яққол мисол бўла олади. Дарахт экиш - нафақат табиатга ғамхўрлик, балки лойиҳада иштирок этиш ва ёрдам беришга тайёр бўлган инсонлар учун ҳам муҳим ҳисобланадиган жараёндир. Payme маҳалла орқали ушбу ташаббусни қўллаб-қувватлаган, ишонч ва масъулиятли ёндашув учун бефарқ бўлмаган инсонлардан миннатдорман. Умид қиламанки, Навоийдаги дарахтлар катта ўзгаришларнинг дебочаси бўлади ва қолганларни ҳам Она сайёрамизга ғамхўрлик қилишга илҳомлантиради," — дейди Мўтабар Хушвақтова.
пайме маҳалла — пайме иловасининг бир қисми ҳисобланади. Бу - фойдали ташаббусларда осон тарзда иштирок этиш имконини берувчи платформадир. Ҳар бир тўлов ва ўтказма учун пайме мижозлари содиқлик дастури бўйича балларни олишади ва кейин уларни пайме маҳаллада муҳим ҳаётий вазифаларни ҳал қилиш учун хайрия қилишлари мумкин. 2022 йил декабрь ойидан бошлаб пайме мижозлари Ўзбекистон ва Қорақалпоғистон Республикасининг бир нечта вилоятларида мактаблар учун компьютерлар, спорт анжомлари ва канселярия маҳсулотларини сотиб олиш ва ўрнатишга кўмаклашишди.
Реклама ҳуқуқи асосида.
Изоҳ (0)