Президент администрацияси Ахборот сиёсати департаменти раҳбари Комил Алламжонов давлат ва нодавлат теле, радиоканаллар ҳамда бошқа ОАВ раҳбарлари билан учрашув ўтказди.
Учрашувда теле ва радиоканаллар, умуман ОАВ ва медиатармоқлар олдидаги долзарб муаммолар, янги трендлар, матбуотнинг яқин келажакдаги ҳолати, шунингдек, миллий контент яратиш ишлари атрофлича муҳокама қилинди.
Сўнгги вақтларда ОАВ ва медиа вакиллари ўз фаолиятларида сенсацион материалларга урғу бераётганлиги, таъбни хира қилувчи турли нохуш вазиятлар, шу жумладан, қотиллик, ўлим билан боғлиқ ҳодисаларни бўрттириб кўрсатиш тенденцияси кузатилмоқда. Қолаверса, ижтимоий тармоқларда, матбуотда фейк ва дезинформацияларнинг сони ортиб бораётганлигига ҳам гувоҳ бўляпмиз.
Шу нуқтайи назардан, бу каби носоғлом медиа муҳитни ўзгартириш, хусусан, соҳада қонунчиликни такомиллаштириш, журналист этикасини тартибга солиш масалалари юзасидан фикр-мулоҳазалар алмашилди”, деб ёзади Президент администрацияси Ахборот сиёсати департаментининг раҳбари.
Изоҳ (0)