Жорий йилнинг 7 июль куни “Fitch Ratings” халқаро рейтинг агентлиги томонидан “КАФОЛАТ суғурта компанияси” АЖнинг молиявий барқарорлик рейтинги “Б+” даражасида тасдиқланди, прогноз эса “салбий”дан “ижобий”га оширилди.
Ушбу рейтинг кўрсаткичига эришиш компаниянинг сўнгги йилда эришган молиявий барқарорлиги, капиталлашув даражасининг ошиши ва таваккалчиликларни бошқаришдаги ижобий ўзгаришларни эътироф этади.
Рейтинг кўрсаткичи қуйидаги муҳим омилларнинг яхшиланиши натижасида “ижобий” прогнозга ўзгартирилди:
- Компания устав капиталининг 90 млрд сўмдан 216 млрд сўмга оширилиши билан капитал позицияси мустаҳкамлангани;
- Рейтинг агентлигининг PRISM модели бўйича ҳисобланган тўлов қобилияти кўрсаткичи “Етарли” даражада баҳоланиши;
- Зарарлилик даражасининг муқобиллашуви ва рентабеллик кўрсаткичларининг ошиши;
- Молиявий барқарорлик ва хавфларни бошқариш даражасининг яхшиланиши;
- Молиявий ҳисоботларни “МҲҲС 17” талабларига мос равишда шакллантиришга босқичма-босқич қадам қўйилаётгани.
Халқаро рейтинг агентлиги таҳлилчиларининг таъкидлашича, “КАФОЛАТ суғурта компанияси” АЖнинг умумий бизнес профили янада барқарорлашган. Айниқса эътиборга молик жиҳати бу компаниянинг табиий офатлардан суғурталаш ва қайта суғурта қилиш амалиётида молиявий тайёрлик даражасидир. Айтиш жоизки, жорий йилда Компания капиталига таъсир кўрсатувчи энг юқори эҳтимолий йўқотишларни баҳолаш тизими — ПМЛ (Пробабле Махимум Лосс) зарарларнинг максимал даражасини моделлаштириш дастурининг жорий этилиши муҳим қадамлардан бўлди. “КАФОЛАТ суғурта компанияси” АЖ Ўзбекистон суғурта бозорида ўзининг ПМЛ ички дастурини жорий этган саноқли суғурта компанияларидан бири ҳисобланади.
Шунингдек, суғурта захираларининг етарлилик даражасини аниқлашда халқаро тажрибада кенг қўлланилувчи детерминистик ва стохастик моделлар ёрдамида йўқотишларнинг энг юқори сценарийлари стресс-тестдан ўтказилди. Амалга оширилган ушбу янги кўламдаги актуал таҳлиллар Агентлик томонидан ижобий баҳоланди.
“Fitch Ratings” халқаро рейтинг агентлигининг “ижобий” прогнози “КАФОЛАТ суғурта компанияси” АЖнинг молиявий ҳолати мустаҳкамланганлигини, диверсификация ва бизнес модели ислоҳоти йўлида ижобий натижаларга эришилганини тасдиқлайди. Шу билан бирга келгусида компания рейтингининг янада ошишига ишонч билан ҳаракат қилаётганини англатади.
“КАФОЛАТ суғурта компанияси” АЖ учун бу нафақат халқаро эътироф, балки мамлакат суғурта бозоридаги нуфуз ва ишончнинг янада ортиши демакдир. Компания ўз мижозларига молиявий ҳимоянинг мустаҳкам пойдеворини яратишда давом этмоқда.
Батафсил маълумот билан ушбу ҳавола орқали танишишингиз мумкин.
Реклама ҳуқуқи асосида.
Изоҳ (0)