Суриянинг янги маъмурияти Исроилнинг жануби-ғарбий Ал-Кунайтра вилоятидаги тинч ҳудудларга доимий ҳужумларини тўхтатиш устида ишламоқда. Бу ҳақда республика президенти Аҳмад аш-Шара маълум қилди.
Унинг сўзлари президент девонининг Хъда жойлаштирилган баёнотида келтирилган.
“Биз халқаро воситачилар орқали билвосита музокаралар йўли билан Исроил ҳужумларини тўхтатишга интилмоқдамиз”, деди аш-Шара.
Баёнотда айтилишича, маъмурият раҳбари Ал-Кунайтра вилояти ва босиб олинган Голан тепаликларида яшовчи тоғлик друзлар жамоаси оқсоқоллари билан учрашган. Суҳбат давомида “сўнгги ойларда Исроилнинг Сурия ҳудудига бостириб кириши кучайиши муносабати билан минтақадаги маҳаллий аҳолининг турмуш шароити ва хавфсизлик ҳолати” муҳокама қилинган.
Syriа TV телеканалининг таъкидлашича, аш-Шаранинг ушбу баёноти Дамашқнинг Исроил билан билвосита музокаралар олиб бораётгани ҳақидаги биринчи тасдиғи бўлган.
22 июнь куни Исроил Миллий хавфсизлик кенгаши раҳбари Сахи Ханегби Сурия билан музокараларда шахсан иштирок этаётганини билдирди.
Бирлашган Араб Амирликлари Исроил ва Сурия ўртасидаги музокаралар учун махфий алоқа каналини ташкил этгани хабар қилинганди.
Сурия ва Исроил муносабатлари февраль ойи охирида, Дамашқ яқинидаги Жарамана аҳоли пунктида ўтиш даври ҳукумати хавфсизлик ходимлари ва ўзини ўзи мудофаа кучлари ўртасида тўқнашув содир бўлганида кескинлашди. Исроил шу муносабат билан Суриянинг янги ҳукумати этник-конфессионал озчиликларга босим ўтказаётганини маълум қилди ва қуролли кучларига Суриядаги друзлар жамоасини ҳимоя қилишни таъминлашни топширди.
30 апрель куни Исроил армияси Суриядаги экстремистик гуруҳ ячейкасига зарба берди. Исроил томони радикаллар друз аҳолисига ҳужум қилишни режалаштирганини таъкидлади
Изоҳ (0)