Ижтимоий тармоқларда Фурқат тумани, “Калдушон” маҳалласи раиси Шарифжон Абдуллаевнинг вафоти юзасидан хабарлар тарқалди. Фурқат тумани ҳокимлиги ҳолат юзасидан изоҳ берди.
Маълум қилинишича, 18 июнь куни туман ҳокимлигида ўтказилган йиғилишда МФЙлар раислари иштирок этган. Йиғилишда уларнинг зиммасига юклатилган вазифалар ижроси юзасидан топшириқлар берилган.
Қайд этилишича, йиғилиш танқидий руҳда ўтган, лекин туман ҳокими томонидан шахсга нисбатан ҳақоратли сўз ишлатилмаган.
“Калдушон” маҳалласи раиси Шарифжон Абдуллаев йиғилиш пайтида соғлиғи билан боғлиқ муаммолар сабабли фаолиятини тўхтатмоқчилиги айтиб, йиғилишни тарк этган.
Ҳокимлик ташқи ҳовлисида аҳволи ёмонлашгани сабабли тез ёрдам чақирилган, туман тиббиёт бирлашмасига олиб борилган. Аммо шифокорларнинг саъй-ҳаракатларига қарамасдан, вафот этган.
Изоҳ (0)