Туркиянинг Истанбул шаҳрида бўлиб ўтаётган нуфузли “Глобал Sustainable Development Cонгресс — 2025” халқаро конгрессида мамлакатимизнинг 9 та олийгоҳи, шу жумладан, Тошкент давлат юридик университети ҳам Ўзбекистон олий таълим тизими номидан иштирок этмоқда. Дунёнинг илғор университетлари, халқаро ташкилотлари ва етакчи экспертларини жамлаган халқаро анжуманда таълим, илм-фан ва бошқарув соҳаларида Барқарор ривожланиш мақсадлари (SDG) доирасидаги стратегиялар муҳокама қилинмоқда.
Конгрессдаги энг муҳим ва асосий воқеалардан бири, шубҳасиз, “Times Higher Education Импаcт Rankings — 2025” халқаро рейтингининг натижалари эълон қилиниши бўлди.
Университетларнинг БМТ Барқарор ривожланиш мақсадларига эришишга қўшган ҳиссасини баҳоловчи мазкур халқаро рейтингда жорий йилда дунёнинг 2500 та олий таълим муассасаси иштирок этди. Қувонарлиси, мазкур рейтингда Тошкент давлат юридик университети 2024 йилга нисбатан 100 поғона юқорилаб, 301-ўринни эгаллади. Бу ҳали ҳаммаси эмас, албатта. Университет SDG 5 — Гендер тенглиги тамойили бўйича 51-ўринни эгаллаб, ТОП-100 университет орасидан жой олди.
Шуниндек, ТДЮ мазкур халқаро рейтингда SDG 4 — Таълим сифати бўйича — 301-ўринни, SDG 8 — Муносиб иш ўрин ва иқтисодий ўсиш бўйича 101-ўринни, SDG 16 — Тинчлик, адолат ва кучли институтлар ва SDG 17 — Мақсадлар бўйича ҳамкорлик йўналишларида 201-ўринни эгаллади.
— Times Higher Education томонидан эълон қилинган халқаро рейтингларда университетимизнинг юксалиши бу юртимизда юридик таълим ва фанни ривожлантиришга қаратилган эътибор маҳсулидир. Бу натижа фақат рақамлар эмас, бу бизнинг халқаро майдондаги ўрнимиз, таълим ва илмий ёндашувларимизга берилган юксак баҳодир. Айниқса, гендер тенглиги бўйича 51-ўринни эгаллаганимиз бизнинг жамиятда адолат ва тенгликка асосланган ёндашувимиз самарасидир. Бундай ютуқлар ортида фидокор жамоамиз, очиқ бошқарув ва талабаларимизнинг юксак интилиши турибди. Тошкент давлат юридик университети энди нафақат миллий, балки глобал таълим майдонининг фаол иштирокчисидир, дейди Тошкент давлат юридик университети ректори в.б., юридик фанлар доктори, профессор Исламбек Рустамбеков.
Тошкент давлат юридик университети биргина шу ютуқ билан чекланиб қолмаган, албатта. Университет “Times Higher Education World University Rankings — 2024”, “Асиа University Rankings — 2024”, ТҲЕ “Young University Rankings” халқаро рейтингларида Ўзбекистондан биринчилардан бўлиб “Репортер” сифатида эътироф этилиб, “Worldъс Университиэс wитҳ Реал Импаcт” халқаро рейтингида 183-ўринни, “Роунд University Ranking — 2025”да 918-ўринни эгаллади. ТДЮ “Роунд University Ranking — 2025”да таълим сифати бўйича “Бронза университетлар лигаси” рўйхатига киритилиб, ТОП-500, “Роунд University Ranking World — 2024”, “РУР Аcадемик Ranking” ва “РУР Reputation Ranking” бўйича ТОП-1000 университет орасидан жой олди.
Шунингдек, ТДЮ “ҲЕ Higher Education Ranking — 2025” халқаро рейтингининг ТОП—5 университети орасида эътироф этилди.
Бундан ташқари, университет АД Scientific Индех (Алпер-Догер Scientific Индех) рейтингига кўра, Ўзбекистон олий ўқув юртлари орасида “LAW субжеcт” йўналиши бўйича 1-ўринни эгаллади.
Мазкур натижалар Ўзбекистон олий таълими тизимининг глобал майдондаги кучли ва фаол позициясини мустаҳкамлаб бораётгани ҳамда рақобатбардошлиги ортаётганидан даракдир.
Изоҳ (0)