Тоm and Lorenzo нашри Скарлетт Йоханссон ва Майлз Теллер билан янги фильм суратга олиш жараёнидан олинган суратни эълон қилди. Бу жуфтликни Нью Йоркнинг Квинс шаҳрида кўриб қолишди.
Ижтимоий тармоқ фойдаланувчилари Скарлеттнинг янги услуби ва унга хос бўлмаган жингалак турмагини қизғин муҳокама қилмоқда.
Фильм “Америка орзуси” ортидан бораётган икки ака-ука ҳақида ҳикоя қилади. Охир-оқибат улар коррупция схемасига тушиб қолишади, шунинг учун рус мафияси уларни таъқиб қила бошлайди. Бош ролларни Скарлетт Йоханссон (“Қора бева”), Адам Драйвер (“Юлдузлар жанги”) ва Майлз Теллер (“Дивергент”) ижро этган.
Қизиқарли факт: Энн Хетеуэй ва Жереми Стронг бошқа мажбуриятлари туфайли суратга олишдан бош тортганидан сўнг, Скарлетт ва Майлз уларнинг ўрнига танланган. Шунингдек, Скарлетт ва Адам 2019 йилда “Никоҳ тарихи” фильмида бирга ишлаган эди.
Изоҳ (0)