Мексиканинг Гвадалахара шаҳрида профессионал бокс оқшоми ташкил этилди. Унда ўзбекистонлик боксчи Муроджон Аҳмадалиев мезбон Луис Кастилёга қарши рингга кўтарилди.
Муроджон Аҳмадалиев 10 раундга мўлжалланган жангнинг 8-раундида ғалаба қозонди. Кетма-кет зарбалар сериясидан сўнг рақиб фаол қаршилик кўрсата олмади ва ҳакам жангни тўхтатиб, техник нокаут қайд этди.
Энди Аҳмадалиев навбатдаги жангини сентябрь ойида япониялик Наоя Иноуэга қарши ўтказади.
Шунингдек, АҚШнинг Лас-Вегас шаҳрида профессионал бокс оқшоми бўлиб ўтди. Унда ўзбекистонлик боксчи Бектемир Мелиқўзиев WBA Eliminator камари учун америкалик Дарюс Фулгхемга қарши рингга кўтарилди.
12 раундлик жанг тўлиқ давом этди ва унда Бектемир Мелиқўзиев ҳакамларнинг бир овоздан берган 114-112 ҳисобидаги очколари эвазига ғалаба қозонди.
Ушбу ғалабадан сўнг ўзбекистонлик боксчи WBA камари учун даъвогарга айланди.
Изоҳ (0)