Наманган вилояти Поп туманида эркак дўконда хотинини пичоқлаб ўлдирди. Бош прокуратура “Дарё”га бу бўйича маълумот берди.
Маълум қилинишича, ҳолат 17 май куни соат 11:30 ларда Поп туманида содир бўлган. 1997 йилда туғилган Р.Б. Поп тумани, “Қўшминор” МФЙ, Гагарин кўчасидаги савдо дўконига келиб, турмуш ўртоғи — 1999 йилда туғилган Х.Н. билан аввалдан бўлган оилавий келишмовчилик сабабли ўзаро жанжаллашган.
Шу вақт у савдо дўкони олдига ўрнатилган нон сотиш учун мўлжалланган пештахта устида бўлган хўжалик пичоғи билан аёлига ҳаёти учун хавфли бўлган оғир тан жароҳатлари етказган. Оқибатда аёл ҳодиса жойида вафот этган.
Мазкур ҳолат юзасидан Поп туман прокуратураси томонидан эркакка нисбатан Жиноят кодексининг 97-моддаси 1-қисми билан жиноят иши қўзғатилиб, гумонланувчи ушланди.
Пичоқлаш билан якунланган оилавий жанжаллар
Сурхондарё вилоятида эркак қайнукаси томонидан, Самарқандда 70 ёшли эркак 60 ёшли қайнукаси томонидан пичоқланганди. Бухорода эр жанжал сабаб хотинини пичоқлагани, Жиззахда эр рашк сабаб аввал хотинини, кейин эса ўзини пичоқлаб ўлдиргани, Вобкент туманида маст фуқаро қайнукасини пичоқлагани тўғрисида хабар берилганди.
- Чинозда 25 ёшли эркак хотини ва қайнанасини қасддан ўлдирди.
- Фарғонада эркак бир гуруҳ дўстлари билан собиқ куёвини дўппослади.
- Чинозда ука ўз опасини ўлдириб, 7 кун уйда сақлади.
- Самарқандда қайнона келинини қувватлагич сими билан бўғиб ўлдирди.
- Андижонлик ўқитувчи аёл пичоқлаб ўлдирилди. Гумонланувчи эр қўлга олинди.
Изоҳ (0)