Ккучли шамол оқибатида Тошкент шаҳри ва Тошкент вилоятининг айрим ҳудудларида электр таъминотида узилиш кузатилмоқда. Бу ҳақда Энергетика вазирлиги матбуот хизмати хабар берди.
Маълум қилинишича, Тошкент шаҳри ва вилоятидаги айрим электр тармоқлари хавфсизликни таъминлаш мақсадида қўлда ўчирилган.
Бунинг натижасида Тошкент шаҳрида 8 500 та ва Тошкент вилоятида 10 300 та истеъмолчи электр таъминотидан вақтинча узилган.
Ҳозирги вақтда махсус бригадалар томонидан носозликларни бартараф қилиш ҳамда истеъмолчиларнинг электр таъминотини қайта тиклаш чоралари кўрилмоқда.
Тошкент шаҳрида 17 май, соат 18:50 лардан бошлаб кучли чанг бўронли шамол бўлаётгани ҳақида хабар берилганди. Автомобильларни дарахтлар ва енгил конструкцияли қурилмалар остида қолдирмаслик тавсия этилмоқда.
Фуқаролардан ноқулай об-ҳаво шароити билан боғлиқ ҳар қандай фавқулодда вазиятларда пойтахт ҳокимлиги тегишли хизматларининг (71) 212-69-80, (71) 212-69-82, 1050 ва 1055 рақамларига мурожаат қилишлари сўралди.
Изоҳ (0)