Буюк Британиянинг Чешир полицияси қоидабузарликни аниқлашда сунъий интеллектдан фойдаланишни бошлаган мамлакатдаги биринчи орган бўлди. Бу ҳақда BBC хабар берди.
Сунъий интеллект (СИ) гумонланувчиларнинг хулқ-атвор намуналарини анча олдинги босқичларда аниқлашга имкон бериши айтилмоқда. СИ ҳеч қачон инсон омилининг ўрнини боса олмаса-да, ходимларнинг ҳозирги фаолиятини такомиллаштиришга ёрдам беради.
Чешир полициясининг маълум қилишича, СИ ҳодисалар ҳақидаги хабарларни анча олдин, яъни полиция жабрланувчилар билан энди иш бошлаганидаёқ таҳлил қилиб натижа чиқариб бериши мумкин.
Ҳозирги кунда инсон полициячилар кунига одатда 10 та ҳолатни кўриб чиқади. СИ эса бу рақамни бир неча бор кўпайтиришига умид қилинмоқда. Бошқача айтганда, СИ инсон изқуварга қараганда 25 марта самаралироқ иш бажариши аниқланган.
Полиция тақдим этган маълумотлардан фойдаланиб, СИ алгоритмига дастлаб таъқиб қилиш хатти-ҳаракатларини аниқлаш ўргатилади. “Фан, технология, таҳлил ва тадқиқотлар” жамғармаси ушбу янги технологияни молиялаштириш учун 300 минг фунт стерлинг ажратиши кутилмоқда.
Изоҳ (0)