Канн кинофестивалининг ташкилотчилари меҳмонлар учун кийиниш қоидаларини янгилади. Бу ҳақда The Telegraph ёзмоқда.
Энди қизил гиламда ҳам,“фестивалнинг бошқа ҳар қандай зонасида” ҳам танага ёпишиб турадиган турли даражадаги шаффофликдаги “очиқ” либосларда бўлиш мумкин эмас.
Шунингдек, узун шлейфли кийимлар ҳам тақиқланган, чунки улар меҳмонларнинг ҳаракатига халақит бериши ва залда ўтиришда қийинчиликлар туғдириши мумкин.
Қоидаларни бузганлар қизил гиламга киргизилмайди. Меҳмонларга дресс код сифатида консерватив кийиниш қоидалари таклиф этилади, буларга: костюмлар, смокинглар, кечки узун либослар ёки қора рангдаги коктейл либослар, костюм шимлар, байрамона кофталар ва пошнали ёки пошнасиз босоножкалар киради.
78-Канн кинофестивали 13-24 май кунлари ўтказилади. Ҳакамлар ҳайъатини француз актрисаси Жулиэт Бинош бошқаради.
Изоҳ (0)