Бирлашган Араб Амирликлари бош вазири Шайх Муҳаммад бин Рашид 2025 йил май ойи бошида келгуси 2026-ўқув йилидан бошлаб барча ёшдаги мактаб ўқувчилари учун “Сунъий интеллект” дарслари жорий этилишини маълум қилди. Бу ҳақда Arab News хабар берди.
Вазир Х тармоғидаги постида шундай хабар қолдирди: “БАА ҳукумати кейинги ўқув йилидан бошлаб амирликда боғчадан тортиб 12-синфгача бўлган давлат таълимининг барча босқичларида “Сунъий интеллект” фанини жорий этиш бўйича якуний ўқув дастурини тасдиқлади. Бизнинг мақсадимиз — фарзандларимизга сунъий интеллектни техник нуқтаи назардан чуқур ўргатиш.”
БАА таълим вазири Сара Ал-Амирийнинг айтишича, сунъий интеллектнинг таълимга бундай интеграциялашуви амирлик ҳукуматининг келажакка қаратилган қарашларини акс эттиради.
Амирликлар мактаб ўқув дастурларига сунъий интеллектни жорий этган биринчи давлат бўлади.
Сунъий интеллект ўқув дастури еттита асосий йўналишни қамраб олади: асосий тушунчалар; маълумотлар ва алгоритмлар; дастурий таъминотдан фойдаланиш; ахлоқий хабардорлик; реал ҳаётдаги иловалар; инновациялар ва лойиҳаларни ишлаб чиқиш; сиёсат ва жамоатчилик иштироки.
Изоҳ (0)