Шуҳрат Жўраев Жиззах вилоят ҳокимининг қурилиш, тўсиқларсиз муҳит яратиш, коммуникациялар, коммунал хўжалик, экология ва кўкаламзорлаштириш масалалари бўйича ўринбосари в.б. этиб тайинланди. Бу ҳақда вилоят ҳокимлиги матбуот хизмати хабар берди.
Мазкур лавозимда 2025 йил 3 мартга қадар Ҳамиджон Ҳасанов фаолият юритиб келаётган эди.
Шуҳрат Жўраев 1968 йилда Жиззах вилояти Ғаллаорол туманида таваллуд топган. У тайинловга қадар Фавқулодда вазиятлар вазирлигида ишлаб келган.
2024 йилнинг 19 декабрь куни Эргаш Солиев бошқа ишга ўтиши муносабати билан Жиззах вилояти ҳокими лавозимидан озод этилганди. Унинг ўрнига Улуғбек Мустафоев Жиззах вилояти ҳокими вазифасини бажарувчи лавозимига тайинланди. Тайинловга қадар у 2019 йил апрелидан буён “Ҳудудий электр тармоқлари” акциядорлик жамияти бошқаруви раиси лавозимида ишлаб келган.
28 декабрь куни эса Жиззах вилояти ҳокимига икки ўринбосар тайинланган эди.
Изоҳ (0)