“Республика ҳудудларини жадал комплекс ривожлантириш учун танлаб олинган туман (шаҳар)ларда амалий чора-тадбирларни амалга ошириш тўғрисида”ги президент қарори қабул қилинди.
Ҳужжатга кўра, туман (шаҳар)ларни жадав ривожлантириш дастурлари ишлаб чиқилган бўлиб, дастур доирасида ушбу туман (шаҳар)ларда юқори иқтисодий ўсишга туртки берувчи ижтимоий ва инфратузилма лойиҳаларини молиялаштириш учун давлат бюджетидан 1 триллион сўм ажратилди.
Бунда қуйидаги лойиҳаларни амалга ошириш назарда тутилган:
- саноат ва қишлоқ хўжалиги соҳаларини риожлантириш учун шарт-шароитлар яратиш;
- инфратузилмани ривожлантириш, “яшил” тамойил ва ёндашувларни ҳамда рақамлаштиришни жорий қилиш;
- хизматлар соҳасини ривожлантириш, жумладан креатив индустриялар, туризм ва йўлбўйи инфратуилмаси имкониятларини ишга солиш;
- туман (шаҳар)лар марказларида аҳоли яшаши ва тадбиркорлик фаолияти учн қулай шароитлар яратиш;
- касбга ўқитиш, замонавий ёшлар микроҳудудини ташкил қилиш каби тадбирларни амалга ошириш.
Жадал комплекс ривожлантириш белгилаланган туман ва шаҳарлар қуйидагилар:
- Қўнғирот тумани,
- Чимбой тумани,
- Асака тумани,
- Ғиждувон тумани,
- Ғаллаорол тумани,
- Яккабоғ тумани,
- Хатирчи тумани,
- Чортоқ тумани,
- Булунғур тумани,
- Сирдарё тумани,
- Денов тумани,
- Янгийўл шаҳри,
- Қува тумани,
- Марғиилон шаҳри,
- Шовот тумани,
- Хазорасп тумани.
Қарорга кўра уларда:
- саноат ишлаб чиқариши ҳажми ўртача 7–8 фоизга, бозор хизматлари ҳажми 15–17 фоизга, қишлоқ хўжалиги ишлаб чиқариши ҳажми 4–5 фоизга барқарор ўсиши таъминланади;
- ишсизлик даражасини 4–5 фоизга, камбағаллик даражасини 5–6 фоизга пасайтирилади, бунда Қўнғирот, Асака, Ғаллаорол, Денов туманлари ҳамда Марғилон шаҳри ишсизлик ва камбағалликдан холи ҳудудга айлантирилади.
Қарорга асосан, 2025 йил 1 июлгача туман (шаҳар)ларни жадал комплекс ривожлантириш дастурлари доирасидаги туман (шаҳар)лар марказларининг ишлаб чиқилганига 10 йилдан ортиқ муддат бўлган бош режаларини 3 та тоифадаги (реновация, реконструкция ва консервация) зоналарга ажратиб, соддалаштирилган тартибда ҳамда аҳоли ва тадбиркорлар таклифларини инобатга олган ҳолда янгиланган бош режа лойиҳалари ишлан чиқилади.
Асака, Ғиждувон, Ғаллаорол, Хатирчи, Чортоқ, Сирдарё, Денов, Қува, Шовот туманлари ва Янгийўл шаҳри марказлари ва уларга туташ ҳудудларда аҳоли ва сайёҳларнинг яшаши, дам олиши ва сайр қилиши ҳамда хизматлар ва бошқа йўналишларда тадбиркорлик фаолияти учун қулай шароитлар яратишга қаратилган мастер режа лойиҳалари тайёрланади. Хатирчи, Қува ва Чортоқ туманларида туризм йўналишидаги мастер режа лойиҳалари ишлаб чиқилади.
Бир ҳафта муддатда дастур доирасидаги туман (шаҳар) ҳокимликларида ҳуқуқий эксперимент тариқасида 2026 йил 1 январгача “Аҳоли ва тадбиркорлар манфаатларига хизмат қилиш” янгича ёндашуви асосида лойиҳа офиси фаолияти йўлга қўйилади.
2024 йилнинг декабрида “Ҳудудларда юқори иқтисодий ўсиш ва аҳоли бандлигини таъминлашнинг янги тизимини йўлга қўйиш ҳамда бу борада маҳаллий ҳокимликларнинг роли ва масъулиятини ошириш чора-тадбирлари тўғрисида”ги президент фармони қабул қилинганди. Президентнинг янги қарори ушбу фармонда белгиланган асосий вазифаларни амалга ошириш мақсадида қабул қилинди.
Изоҳ (0)