Журналист ва блогер Жасур Ҳамроев 42 ёшида вафот этди. Бу ҳақда Муниса Ризаева ўз саҳифасида ёзиб қолдирди.
У 1983 йилда Бухорода туғилган. Интернет журналистикасида энг биринчилардан бўлиб асос солинган “Шов-шув.уз” лойиҳаси асосчиси ва бош муҳарири бўлган. У маълум муддат Ўзбекистон “Адолат” социал-демократик партияси Яккасарой кенгаши раиси сифатида фаолият олиб борган.
Ўзбекистон президенти ҳузуридаги давлат ва жамият қурилиши академияси “Бошқарув маҳорати” курсини муваффақиятли тамомлаган. Сўнгги вақтларда ўз блогларида шоу-бизнес янгиликлари билан бўлишиб борарди.
Жасур Ҳамроев қанд касали туфайли вафот этгани айтилмоқда.
26 февраль куни журналист Алишер Рўзиохунов 32 ёшида вафот этгани ҳақида хабар берилган эди. Алишер Рўзиохунов бир неча йил давомида Ўзбекистоннинг қатор нашрларида фаолият олиб борган. Жумладан, “Газета.уз”, “Бугун.уз”, “Кун.уз” сайтларидаги мақолалари билан омма эътиборига тушган эди.
Изоҳ (0)