Ford, General Motors ва Stellantis (Chrysler шўба корхонаси) каби Американинг йирик автомобиль ишлаб чиқарувчилари АҚШ ҳукуматини Оқ уй раҳбари Дональд Трампнинг кескин савдо-иқтисодий сиёсатини юмшатишга ишонтиришга уринмоқда. Бу ҳақда Bloomberg хабар бермоқда.
Америкалик автогигантлар импорт маҳсулотларига қўйилган 25 фоизлик божлар соҳага жиддий зарар етказишидан хавотирда. Божхона ставкаларининг ошиши чет элда ишлаб чиқарилган эҳтиёт қисмлар нархининг кескин кўтарилишига олиб келиши мумкин. Бу эса, ўз навбатида, АҚШда машина ишлаб чиқариш таннархини оширади, чунки маҳаллий концернлар бундай шароитда ўз автомобиллари нархини кўтариш ёки ишлаб чиқаришни қисқартиришдан бошқа иложсиз қолади.
Бундай салбий оқибатларнинг олдини олиш учун Американинг йирик компаниялари вакиллари ҳозирда божларни юмшатиш учун фаол лоббичилик қилмоқда. Улар, хусусан, АҚШда машиналарни йиғиш учун зарур бўлган айрим эҳтиёт қисмларга қўйилган юқори божхона ставкаларини бекор қилишни талаб қилмоқда.
Бу, асосан, Мексикада ишлаб чиқарилаётган видео экранлар ва электр симлари учун қобиқларни ўз ичига олади. Маълум қилинишича, етакчи концернлар раҳбарлари аллақачон Оқ уй ва Савдо вазирлиги вакиллари билан музокаралар ўтказган.
Март ойи бошида Трамп Мексика ва Канаданинг барча товарларига 25 фоизлик бож жорий этди. Фақат Канада энергия ресурслари бундан мустасно бўлиб, уларга 10 фоизлик импорт ставкаси белгиланди.
Хитойлик экспортчилар эса 20 фоизлик йиғим тўлашлари керак бўлади. ХХР товарларига бож икки бараварга оширилди. Хорижда ишлаб чиқарилган автомобиллар ва эҳтиёт қисмларни АҚШга импорт қилиш ставкалари 25 фоизни ташкил этади. Бу чора ҳеч бир истисносиз барча мамлакатларга татбиқ этилади.
Изоҳ (0)