Шавкат Мирзиёев TSC HK Investment масъулияти чекланган жамияти таъсисчиси Тиан Шучунни “Дўстлик” ордени билан мукофотлаш тўғрисидаги фармонни имзолади.
Ўзбекистон Республикаси ва Хитой Халқ Республикаси ўртасидаги савдо-иқтисодий алоқаларни мустаҳкамлаш, икки томонлама манфаатли шерикликни ривожлантириш, мамлакатимиз иқтисодиётига хорижий инвестицияларни фаол жалб этишга қўшаётган муносиб ҳиссаси, юртимизда олиб борилаётган улкан бунёдкорлик ишларини янада жадаллаштириш, замонавий қурилиш-архитектура ҳамда савдо ва хизмат кўрсатиш соҳаларида истиқболли ва инновацион лойиҳаларни муваффақиятли амалга ошириш, янги иш ўринларини яратиш борасидаги катта хизматлари учун TSC HK Investment масъулияти чекланган жамияти таъсисчиси Тиан Шучун Ўзбекистон Республикасининг “Дўстлик” ордени билан мукофотлансин, дейилади фармонда.
Аввалроқ Шавкат Мирзиёевнинг шоир, маънавият тарғиботчиси Хушбоқ Раҳимовни ҳам “Дўстлик” ордени билан мукофотлаш тўғрисидаги фармони эълон қилинганди.
Изоҳ (0)