Исроил мудофаа кучлари Ғазо сектори жанубида ҲАМАС ҳаракатининг ҳарбий разведка бошлиғи Усама Табашни ўлдирди.
Бу ҳақда Исроил армияси матбуот хизмати хабар берди.
“Исроил армияси Ғазо жанубидаги ҲАМАС ҳарбий разведкаси бошлиғи ҳамда ҲАМАСнинг кузатув ва ўт очиш бўлими раҳбари бўлган Усама Табашни йўқ қилди”, дейилади баёнотда.
Табаш юқори мартабали ҲАМАС вакили ҳисобланиб, ташкилот учун муҳим оператив билим манбайи бўлган. У ҲАМАСда турли раҳбарлик лавозимларида, жумладан, Хон Юнус бригадасида батальон қўмондони сифатида ҳам ишлаган, дея қўшимча қилди матбуот хизмати.
Армия таъкидлашича, Табашнинг йўқ қилиниши “ҲАМАСнинг разведка маълумотларини йиғиш ва қўшинларга зарар етказиш қобилиятини пасайтиради”.
Изоҳ (0)