Софи Лорен, Моника Белуччи ва Клаудия Кардинале Италиянинг афсонавий ва энг гўзал актрисалари қаторига киради. Ҳозирда кинематография экранида италян юлдузларининг янги авлоди порламоқда, улар истеъдоди ва ажойиб ташқи кўриниши билан халқаро миқёсда эътирофга сазовор бўлди.
Алессандра Мастронарди
1986 йилда Неаполда туғилган Алессандра 5 ёшида Римга кўчиб ўтган. 1998 йилда у Италиянинг “Амиcо Мио” (“Дўстим”) телекўрсатувида илк бор рол ижро этган. Бир неча йил ўтгач, унинг Италия шоу-бизнесидаги ютуғи Рим оиласи ва унинг кундалик муаммолари ҳақида ҳикоя қилувчи энг машҳур италян телекўрсатувларидан бири “Мен Чезарониман” асаридаги Ева роли бўлди.
2011 йилда актриса Вуди Алленнинг “Рим саргузаштлари” фильмининг таркибига қўшилди, кейин “Титаник: Қон ва пўлат” телефильмида София ролини ижро этди.
2017 йилда Алессандра Мастронарди Ансари ва Алан Янг томонидан яратилган “Ҳар томонлама уста эмас” сериалида Азиз Ансари қаҳрамонининг севгилиси Франческа ролини ўйнади. Бу рол унга халқаро шуҳрат келтирди. У, шунингдек, Дастин Хоффман билан бирга “Медичи: Флоренсия ҳукмдорлари” телесериалида Лукресия Донати ролини ҳам ижро этган.
Ана Катерина Морарю
-4q_AhkPi.jpg)
Келиб чиқиши италян бўлган Морарю 1980 йил 20 ноябрда Руминияда туғилган. 2002 йилда у Римдаги Центро Спериментале ди Cинематографиа кино мактабини тамомлаган ва ўша йили ўз фаолиятини бошлаган. У 2004 йилда телесериаллардаги роллари туфайли машҳур бўлган.
44 ёшли актриса “Оушеннинг ўн икки дугонаси”, “Менинг энг яхши душманим” фильмларидаги роллари билан танилган, 2007 йилда “Уруш ва тинчлик” мини-сериалида Соня Ростова ролини ўйнаган.
Катерина Мурино
-I6Xen1zN.jpg)
Сардиния оролида туғилган актриса ўз фаолиятини 1996 йилда “Италия гўзали” танловида тўртинчи ўринни эгаллаганида бошлаган. У бош ролни Даниэль Крейг ўйнаган “Роял Казино” фильмидаги Жеймс Бонднинг қизи роли билан дунёга машҳур бўлди. 2024 йилда чиққан “Долче!” фильмида эса Венсан Кассел ва Фанни Ардан билан партнёр бўлган.
Матилда Де Анжелис
-X41cisOJ.jpg)
Болалигида актриса, модел ва қўшиқчи бўлган Матилда Де Анжелис мусиқа билан шуғулланиб, гитара ва скрипка чалган. У 2016 йилдаги “Италиялик пойгачи” фильмидаги бош ролни ижро этган дебютидан сўнг дарҳол танилди. 2019 йилда Матилда Де Анжелис HBО телеканалининг “Қайтадан ўйнаш” сериалида Никол Кидман, Хью Грант ва Дональд Сазерленд билан бирга рол ижро этди.
Унинг қаҳрамони сериалнинг биринчи қисмидаёқ ҳалок бўлса-да, актрисанинг жозибаси ва мовий кўзлари томошабинлар қалбидан жой олди. Қизиқ томони шундаки, Матилда Де Анжелиснинг актёрлик бўйича махсус таълими йўқ. Яқинда у Netflix’нинг “Лидия Поэт қонуни” сериалида рол ўйнаб, Италиядаги биринчи аёл ҳуқуқшунос образини гавдалантирди. Унинг Лидия Поэт исмли қаҳрамони қотилликларни тергов қилади ва адвокат сифатида ишлаш ҳуқуқи учун курашади.
Мириам Леоне
-cLaO_9Cf.jpg)
Мириам Леоне актриса ва телебошловчи, 2008 йилги “Италия гўзали” танлови ғолиби. 2010 йилда у кинодаги карьерасини бошлади ва “Полиция бўлими” фильмида Мара Ферми ролини ўйнади. Кейин у “Медичи: Флоренсия ҳукмдорлари” ва “Муҳташам Медичи” телесериалларида иштирок этди.
2021 йилда Леоне 1962 йилги италян комиксига асосланган “Иблис” фильмида Ева Кант ролини ўйнади.
Изоҳ (0)