Ҳар биримиз ўз ҳаётимиз ва мол-мулкимизни ҳимоя қилишни истаймиз. Аммо кўпчилик суғурта қилишни ортиқча харажат сифатида баҳолайди. Бу эса хавфсизликка нисбатан хато ёндашув бўлиши мумкин.
Бугунги кунда транспорт воситалари эгаларининг фуқаролик жавобгарлигини мажбурий суғурта қилиш полиси Тошкент шаҳри ва Тошкент вилояти учун атиги 56 000 сўм, бошқа ҳудудларда 40 000 сўмдир. Бу маблағ бир йиллик ҳимоя учун жуда кам, айниқса, йўл-транспорт ҳодисалари оқибатида етказиладиган зарарлар фонида.
Ҳозирги кунда автосуғурта бўйича максимал суғурта қопламаси 40 млн сўмни ташкил этиб, шундан 14 млн сўми автомобилни таъмирлашга, 26 млн сўми тан жароҳатлари билан боғлиқ харажатларни қоплаб беришни назарда тутади.
Бироқ оддийгина бампер зарбасини таъмирлаш нархи ҳамёнбоп вариант мақомига эга машиналар учун 500 минг сўмдан, хорижий маркалар учун 5 млн сўмдан бошланишини ҳисобга олсак, ҳозирги товон пули етарли эмаслиги аён бўлади.
Ўзингиз ўйлаб кўринг, битта машина “мойка”си учун 100 минг сўмдан ўйламай воз кечиб юборамиз. Бир ойда камида 3-4 марта машинасини ювдирадиганлар ҳам бор орамизда. Лекин суғуртага келганда пул тўлашга оғринадиганлар ҳам орамизда йўқ эмас.
Суғурта бу шунчаки ваъда эмас, балки зарур ҳолатда молиявий ёрдамдир. ЙТҲда жабрланган инсон руҳий ва моддий зарар кўради. Шу моддий зарарни яна чўнтагидан тўламаслиги учун суғурта қопламаси миқдорини етарли даражага етказиш вақти келмадимикин?
Изоҳ (2)
mafaqat 40 minglik sug‘urta balki avto kredit olganda millonlarga qilinadigan sug‘urta ham hech qanaqa pul bermayabdi shuning uchun ham eng katta oylik sug‘urta sohasida
бу мажбурий суғурта ўзи умуман керак эмас, сабаби на жабрланган, на айбдор суғурта пулини ололмайди бюрократик жараёнлар ўта қийинлиги учун.