Одилжон Абдуқаҳҳоров “Ўзбекконцерт” давлат муассасаси директори этиб тайинланди. Бу ҳақда Маданият вазирлиги матбуот хизмати хабар берди.
“Ўзбекконцерт”га 2022 йил май ойидан раҳбарлик қилиб келган Даврон Шералиев 2023 йил октябрида вазифасидан озод этилганидан сўнг муассаса директорининг ижодий масалалар бўйича ўринбосари вазифасида фаолият юритиб келган Санжар Эрданов “Ўзбекконцерт” директори вазифасини вақтинча бажарувчи этиб тайинланганди.
Даврон Шералиевдан аввал “Ўзбекконцерт”га 2021 йилнинг майидан Жамолиддин Узоқов раҳбарлик қилган.
Одилжон Абдуқаҳҳоров “Ўзбекконцерт”га 2017—2020 йилларда раҳбарлик қилган. У бошқа ишга ўтганлиги муносабати билан лавозимидан озод этилгач муассаса директорининг ижодий масалалар бўйича ўринбосари лавозимида ишлаб келган Алишер Жамолдинов 2020 йил июнидан вақтинча директор вазифасини бажарувчи бўлган. Ўша йилнинг ноябрида Анваржон Тожибоев “Ўзбекконцерт” давлат муассасаси директори вазифасини вақтинча бажарувчи этиб тайинланган.
Изоҳ (0)