Австралияда 2,4 миллион болага донорлик қилган Жеймс Ҳаррисон 88 ёшида қариялар уйида вафот этди. Бу ҳақида BBC хабар берди.
Ҳаррисоннинг қонида камдан-кам учрайдиган Анти-Д антитанача мавжуд бўлиб, ушбу модда ҳали туғилмаган чақалоқлар учун дори-дармон воситаларида кенг қўлланилади. Австралия Қизил Хоч хизматига кўра, марҳум 14 ёшида кўкрак қафасидаги катта операцияни бошдан кечирган. Организмда кўп миқдорда қон қуйилган. Шундан сўнг эркак умрининг сўнггигача донор бўлишни ният қилган.
У 18 ёшидан бошлаб қон топширишни бошлаган ва 81 ёшга тўлгунга қадар буни ҳар икки ҳафтада давом эттирган. Ҳаррисон 2005 йилда энг кўп қон плазмаси топшириш бўйича жаҳон рекордини ўрнатган.
Унинг қизи Трейси Меллошипнинг айтишича, отаси “ҳеч қандай харажат ва оғриқсиз кўплаб одамлар ҳаётини сақлаб қолгани сабабли ундан жуда фахрланади”.
Марҳум қизи ва икки невараси учун ҳам донор вазифасини ўтаган.
Отамнинг меҳрибонлиги туфайли бизникига ўхшаган кўплаб бахтли оилалар ҳақида эшитишдан хурсандман, дейди Меллошип.
Анти-Д антитаначаси энди туғилган чақалоқларда гемолитик касаллик (ҲДФН) ривожланишининг олдини олади. Бу касаллик ҳомиладорлик вақтида онанинг қон гуруҳи чақалоқнинг қон гуруҳи билан мос келмаганда юзага келади. Онанинг иммун тизими чақалоқнинг қизил қон таначаларига ҳужум қилувчи антитаналарни ишлаб чиқаради, бу эса оғир анемия, юрак етишмовчилиги ва ҳатто ўлимга олиб келиши мумкин.
1960 йилларда анти-Д давоси ишлаб чиқилишидан олдин, ҲДФН ташхиси қўйилган чақалоқларнинг ярми ҳалок бўлган. Австралияда 200 га яқин анти-Д донор бор ва улар ҳар йили 45 минг оналар ва уларнинг чақалоқларига ёрдам беради.
Ҳозирда Австралиянинг Waltэр ва Элиза Ҳалл тиббиёт тадқиқот институти анти-Д антитаначасини лабораторияда етиштириш устида ишламоқда. Тадқиқотчилар келажакда бу усул бутун дунё бўйлаб ҳомиладор аёллар учун ҳаётий аҳамиятга эга бўлишига умид қилмоқда.
Изоҳ (0)