ҲАМАС 26 февраль куни кечқурун тўрт нафар гаровга олинганларнинг жасадларини Исроилга топширди. Бунга жавобан Исроил ўтган шанба куни озод этилиши керак бўлган 625 нафар фаластинлик маҳбусни озод қилди. Бу ҳақда Reuters хабар берди.
Ўт очишни тўхтатиш режими 19 январдан кучга кирди ва унинг биринчи босқичи шу ҳафта тугаши керак. Бироқ урушни тугатишни назарда тутувчи навбатдаги босқичнинг тақдири номаълумлигича қолмоқда. ҲАМАС иккинчи босқич бўйича музокараларни бошлашга тайёр. Улар гаровдагиларни озод қилишнинг ягона йўли ўт очишни тўхтатишга содиқлик эканини айтган.
ҲАМАС 26 февраль куни 625 нафар фаластинлик маҳбус озод этилиши эвазига тўрт нафар гаровдагилар жасадини топширди. Исроил 22 февраль куни ҲАМАС гаровдаги олти кишининг жасадини “саҳналаштирилган маросимда” топширгани сабабли фаластинлик маҳбусларни озод қилишдан бош тортган эди.
Яҳудий давлатига 69 ёшли Нир Оз Итсик Элгарат, 49 ёшли Сахи Идан, 85 ёшли Шломо Мансур ва яна бир собиқ гаровга олинган шахснинг жасадлари топширилган. Ҳаммаси бўлиб 2 мартгача давом этадиган биринчи босқич доирасида 25 нафар исроиллик озод қилиниши ва саккиз нафар гаровга олинганларнинг жасадлари топширилиши керак.
ҲАМАС манбасига кўра, озод этилиши кутилаётган фаластинлик маҳбуслар орасида Ғазода қамоққа олинган 445 нафар эркак, 24 нафар аёл ва вояга етмаганлар, шунингдек, умрбод қамоқ жазосини ўтаётган 151 нафар маҳбус бор.
Изоҳ (0)