Хакерлар энг йирик криптовалюта биржаларидан бири бўлган Bybit биржасини бузиб кирди ва 1,46 миллиард доллар пулни ечиб олди. Бу ҳақида Bloomberg хабар берди.
Bybit жамоаси бузғунчиликни тасдиқлади ва ҳужумчилар Ethereum “совуқ ҳамёнлари”дан бирига (офлайн) кириш ҳуқуқини қўлга киритганлигини маълум қилишди. Улар сохта фойдаланувчи интерфейсидан фойдаланганлар ва смарт-шартнома тартибини ўзгартирганлар.
Бунинг ёрдамида хакерлар сохта транзакция учун имзо қўлга киритишга ва пул маблағларини ўз манзилларига ўтказишга муваффақ бўлишди. Дастурчиларнинг сўзига кўра, платформанинг қолган ҳамёнларига ҳеч қандай хавф таҳдид солмаяпти.
“Биз ўз фойдаланувчиларимиз ва ҳамкорларимизни Bybit биржасидаги қолган “совуқ ҳамёнлар” бутунлай хавфсиз ҳолда эканига ишонтирмоқчимиз. Мижозларнинг барча маблағлари хавфсиз ва бизнинг операцияларимиз одатдагидек узилишларсиз давом этмоқда”, дейилади компания баёнотида.
Зарарли дастурни яратган ва криптобиржага ҳужун уюштирганлар Шимолий Корея хакерлари, хусусан, Lazarus гуруҳи экани тахмин қилинмоқда.
Изоҳ (0)