Тошкент шаҳри Яккасарой туманида қурилиш кетаётган бинода эркак зинадан йиқилиб ҳалок бўлгани ҳақида хабар берилганди. Мазкур қурилиш ноқонуний бўлиб чиқди.
Қурилиш вазирлиги берган маълумотга кўра, 2020 йил май ойида мазкур объектда олиб борилаётган қурилиш ишлари Вазирлар Маҳкамасининг тегишли қарорига зид экани аниқланди. Яъни ишлар Тошкент шаҳар Қурилиш ва уй-жой коммунал хўжалиги соҳасида ҳудудий назорат қилиш инспекциясини хабардор қилмаган ҳолда ва белгиланган тартибда рўйхатдан ўтмаган тарзда бошланган.
2020 йил 27 майда инспекция томонидан қурилиш ишларини тўхтатиш бўйича ёзма кўрсатма берилган. Маъмурий жавобгарликка тортилган ҳамда қурилиш-монтаж ишлари тўхтатилган. Лекин 2024 йил 26 апрель куни олиб борилган қайта текширув жараёнида ишлар давом этаётгани аниқланган ва қурилиш масъуллари чақиртирилган. Аммо улар қурилиш объектига келмаган ва талаб қилинган ҳужжатлар тақдим этилмаган.
Шу сабабли мазкур ҳолат юзасидан маҳалла профилактика инспектори иштирокида далолатнома расмийлаштирилган ҳамда тегишли текширув ишлари якунланган. Ҳолатга ҳуқуқий баҳо бериш учун тегишли ҳуқуқ-тартибот органларига даъво аризалари киритилган.
Бугунги кунда Тошкент шаҳар ИИББ ҳузуридаги тергов бошқармаси томонидан ушбу объект бўйича жиноят иши очилган. Шунингдек, объектда барча турдаги қурилиш ва монтаж ишлари тўхтатилган.
Ўзбекистонликларнинг қурилишда ҳалок бўлишига оид сўнгги ҳолатлар
13 январь куни Санкт Петербург шаҳри Приморский туманида ўзбекистонлик қурувчи 16-қаватдан тушиб кетганди. 30 ёшли ўзбекистонлик арматурачи ҳодиса оқибатида ҳалок бўлган.
2024 йил 26 ноябрь куни яна Санкт-Петербург шаҳри Муром кўчасида қурилиш вақти Ўзбекистон фуқароси томдан тушиб кетган. Марҳум ўзбекистонлик 47 ёшли муҳожир бўлиб, қурилиш компаниясига монтажчи бўлиб ишга кирган.
2024 йил 22 ноябрь куни Ленинград вилоятида 20 ёшли ўзбекистонлик ишчи қурилиш майдончасида вентиляция тешигига тушиб кетиб ҳалок бўлган. 3 ноябрь куни Ленинград вилоятида 19 ёшли ўзбекистонлик қурувчи тўққизинчи қаватдан тушиб вафот этганди.
Бахтсиз ҳодисалар қурбонлари:
- Тошкентдаги “дом”лардан бирида содир бўлган ёнғин оқибатида 74 ёшли фуқаро вафот этди
- Фарғонада цех ишчиси бункер босиб қолиши оқибатида ҳалок бўлди
- Ўзбекистонда беш ой ичида содир бўлган ёнғинлар оқибатида 48 киши ҳалок бўлди
- Сирдарёда хизмат сафари вақтида ҳалок бўлган эркакнинг оиласига 75 млн сўм ундириб берилди
Изоҳ (0)