АҚШнинг Аризона штати осмонида 19 февраль куни кичик самолётлар тўқнашди. Оқибатда икки киши ҳалок бўлди. Бу ҳақда Associated Press хабар берди.
Ҳар бир самолёт бортида иккитадан одам бўлган. Тўқнашув Тусон шаҳри яқинида содир бўлган. Тўқнашувдан сўнг Cessna 172 самолёти хавфсиз қўнишга муваффақ бўлган. Бироқ Lancair 360 МК II учиш-қўниш йўлаги яқинида ерга қулаб, ёниб кетган.
Ҳалок бўлган икки киши шу самолёт бортида бўлгани айтилмоқда. Ўт ўчирувчилар ёнғинни тезда ўчирган.
АҚШда юз берган сўнгги авиаҳалокатлар:
25 январь Аляска ярим оролида АҚШнинг F-35А қирувчи самолёти қулаб тушди. Учувчи катапульта қилишга улгурди ва тирик қолди.
30 январь куни эрталаб American Airlines йўловчи самолёти Вашингтон аэропорти яқинида ҳарбий вертолёт билан тўқнашдин, сўнгра Потомак дарёсига қулади. Оқибатда ҳеч ким омон қолмади, 5 февраль куни авиаҳалокатда ҳалок бўлган барча 67 кишининг жасади Вашингтондаги дарёдан олиб чиқилди.
1 февраль куни АҚШнинг Филадельфия шаҳрида авиаҳалокат юз берди: тез тиббий ёрдам самолёти турар-жой ҳудудига қулаб тушди, уйлар ва автомобилларга зарар етди.
7 февраль куни бортида 10 киши бўлган самолёт Аляскада ғойиб бўлди.
11 февралда эса Аризонадаги аэропортда иккита самолёт тўқнашиб кетди. Фавқулодда вазият оқибатида бир киши ҳалок бўлди, яна уч киши жароҳат олди.
12 февралда АҚШ ҳарбий-денгиз кучларининг самолёти Сан-Диего кўрфазига қулаб тушди. Авиаҳалокат Норт-Айленд ҳарбий авиабазаси яқинида юз берган. Самолёт бортида икки киши бўлган. Уларни балиқ овлаш кемаси қутқариб қолган.
Изоҳ (0)