Франция президенти Эммануэл Макрон Россияга қарши жанговар ҳаракатлар учун Украинага қуруқликдаги қўшинларини юбормаслигини айтди. Бу ҳақда Le Monde хабар берди.
Мен ҳеч қачон Франция қуруқликдаги қўшинларини юборади, деб айтмаганман. Бугунги кунда Франция қуруқликдаги қўшинларини юборишга тайёрланмаяпти. Биз хавфсизлик кафолатлари масаласини кўриб чиқмоқдамиз. Бу стратегик ноаниқлик, аслида, Дональд Трампнинг сайланиши натижасида юзага келган, деди Франция раҳбари.
У Украинани узоқ муддатли истиқболда янги тажовуздан ҳимоя қилиш учун бир қанча вариантларни илгари сурди. Жумладан, Украинани қайта қуроллантириш, экспертлар ва қўшинларни фронт чизиғидан узоқда, “низоли бўлмаган ҳудудларга” юбориш кўриб чиқилмоқда.
Биз британияликлар билан айнан шу ҳақда ўйлаймиз, масалан, Яна бир вариант шуни англатадики, агар тегишли келишувга эришилса, БМТ мандатига мувофиқ тинчликпарвар миссия ташкил этилади, деди Макрон.
Шу билан бирга, Франция президенти россиялик ҳамкасби Владимир Путин билан телефон орқали гаплашиши мумкинлигини айтди.
Агар бу вазият учун фойдали бўлса, шубҳасиз, у билан яна бир бор суҳбатлашаман, деди Макрон.
У Ғарб қўшинларини Украинага юбориш мумкинлиги ҳақидаги мунозаранинг асосий ташаббускорларидан бири эди. 2024 йилнинг февраль ойи охирида Макрон Россиянинг мағлубиятини Европа учун зарур деб атади ва Франция қўшинларининг можаро зонасига юборилишини истисно қилмади. Кейинчалик у Россия армиясига қарши қуруқликдаги операция ўтказилишини ҳам рад этмаганди.
Изоҳ (0)