Савдо урушлари ҳеч қандай маънога эга эмас ва Европа Иттифоқи бошқа томонлар томонидан қўйилган тарифларга жавоб беришга тайёр.
Бу ҳақда Еврокомиссия президенти Урсула фон дер Ляйен Мюнхендаги хавфсизлик конференциясидаги чиқиши чоғида айтиб ўтди.
"Биз савдо урушлари ва жазо тарифлари мантиқий эмас деб ҳисоблаймиз", деди у.
Фон дер Ляйен Европа Иттифоқи товарлари учун асоссиз божлар "жавобсиз қолмаслигини" таъкидлади.
Шу ҳафта бошида АҚШ президенти Дональд Трамп ўз маъмуриятига Америка товарларига нисбатан худди шундай чоралар кўриладиган давлатларга нисбатан тарифларни жорий этиш масаласини кўриб чиқишни буюрган эди.
У, хусусан, Европа Иттифоқининг АҚШ билан савдо-сотиқни ташкил этиш усулидан мамнун эмаслигини таъкидлади.
"Европа Иттифоқи бизга жуда ёмон муносабатда бўлди", деди Трамп.
Изоҳ (0)