Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларини эътиборингизга ҳавола қиламиз.
Ўзбекистон халқ артисти Гулсанам Мамазоитова қизи Моҳижаҳонбегим билан биргаликда иссиқ мамлакатлардан бирида ҳордиқ чиқармоқда.
Хонанда Шаҳзода актриса Раъно Шодиева билан учрашгани акс этган суратни саҳифасига жойлади. “Сен билан бир тўлқинда бўлган инсонлар билан учрашиш мароқли. Бундай учрашувлардан сўнг қалбингда илиқлик қолади”, деб ёзди хонанда.
Актриса Муқаддас Саъдуллаева ёшлигидан “Ўткан кунлар”даги Кумуш ролини ижро этишни орзу қилгани ҳамда маҳоратли мобилографлар ёрдамида ушбу орзусини амалга оширгани ҳақида сўзлаб берди.
Ёш актриса Гўзал Комилова Наргиза Салмонова билан биргаликда янги лойиҳада суратга тушмоқда.
Диана Ягофарова “Супер келинчак” фильмидаги қайнонаси Саида Раметова билан суратга олиш майдончасида учрашиб қолди.
Турк актрисаси Мелиса Асли Язижи ўғлининг суратини илк марта саҳифасига жойлаштирди ҳамда унга Милан деб исм қўйишганини маълум қилди.
Инстаблогерлар Аббосхўжа Акромов ва Камола Абдуқодирова марҳум актриса Ҳалима Ибрагимова хотирасига бағишлаб қўшиқ куйлашди.
Блогер Хуснора Шодиева таниқли актёр Улуғбек Қодиров билан тасодифан учрашиб қолди.
Шунингдек, Улуғбек Қодиров актриса Дилбар Зокировага қисқа интервью берди ҳамда қайси фильмининг давоми ишланишини хоҳлаши ҳақидаги саволга жавоб берди. Актёрнинг айтишича, “Телба” фильмидаги қаҳрамонини қайта ижро этган бўларди.
Изоҳ (0)