Суд Трампнинг USAIDнинг 2000 дан ортиқ ходимини маъмурий таътилга чиқариш режасини тўхтатди.
Федерал судья Карл Николс Халқаро тараққиёт агентлиги (USAID) ходимларини вакиллик қилувчи касаба уюшмаларининг даъвосига жавобан вақтинчалик буйруқ чиқарди.
Судья даъвогарларнинг фикрига қўшилди. Агар Дональд Трамп маъмуриятининг режалари тўхтатилмаса, USAID ходимлари “жиддий зарар” кўради, деб ҳисоблади судья.
Суд қарори тафсилотлари, жумладан, USAIDнинг аллақачон маъмурий таътилга чиқарилган 500 нафар ходими тақдири кейинроқ маълум бўлади.
Reuters таъкидлаганидек, судья Николс касаба уюшмаларининг бошқа талабларини, жумладан, USAID биноларига киришни очиш ва агентлик грантлари ҳамда шартномалари учун маблағлар ажратишни қаноатлантирмади.
АҚШ президенти Дональд Трамп 7 февраль куни “USAIDни ёпишга” чақирганди. Бир кун аввал USAID ходимларининг 10 мингдан ортиқ ходимидан атиги 611 нафари олиб қолиниши режалаштирилаётгани ҳақида хабар берилганди.
2000 дан ортиқ ишчи маъмурий таътилга чиқиши керак эди.
Изоҳ (0)