Саламанка университети 22 карра Катта дубулға мусобақалари чемпиони Рафаэль Надалга фахрий доктор унвонини берди.
El Pais нашрига кўра, Надалнинг ушбу унвонни қўлга киритиши университет тарихидаги энг зиддиятли ҳолат бўлди. Кенгаш аъзоларининг 34 фоизи (268 нафардан 91 нафари) унинг номзодига қарши овоз берган. Одатда, номзодлар доим қўллаб қувватланган.
Танқидчиларнинг фикрича, испаниялик спортчини Саламанка университети билан ҳеч нарса боғламайди. Надал вақти-вақти билан олий таълим муассасасига молиявий ёрдам бериб туради, аммо олимлар унга докторлик унвони учун буни етарли сабаб деб ҳисобламайди.
Бундан ташқари, теннисчининг номзодини овоз бериш учун илгари сурган ректор Хосе Мануэл Корчадо айнан шу йўл билан ОАВ эътиборини тортиб, ўз обрўсини ошириб олишга ҳаракат қилаётгани ҳақида ҳам тахминлар мавжуд.
Маълумот учун, 2015 йилда Надал Мадрид университетининг фахрий доктори бўлган.
Изоҳ (0)