Тожикистон маданият вазири Матлубахон Сатториён Американинг CNN телеканалининг Абу Али ибн Сино ўзбек олими сифатида тилга олинган материалига муносабат билдирди.
У буни “ҳақиқатни бузиб кўрсатиш” деб атади.
Матбуот анжуманида Asia-Plus саволига жавоб берар экан, у “CNN материалига нисбатан дипломатик, аммо қатъий муносабат билдириш зарурлигини” таъкидлади.
Тарихий манбаларни эътиборсиз қолдириб, тожик халқининг илм-фан ва адабиёт даҳоларини ҳамда адабий меросимизни бошқа миллатга ўзлаштириш ҳолатлари кузатилмоқда. Бу, афсуски, кўплаб баҳс-мунозараларга сабаб бўлмоқда, деди вазир.
У тожик олимлари ва зиёлилари “миллий маданият ва адабиёт ўғриларига” рад этиб бўлмас далилларга таяниб муносиб жавоб қайтаришига ишонч билдирди.
Бу нафақат тожик халқи, балки бутун жаҳон форс адабиёти тарихи ва маданиятини таҳқирлашдир. Ишончим комилки, бунга форс маданий-адабий доирасига мансуб мамлакатлар олимлари ва тарихчилари, албатта, муносабат билдирадилар, деди Сатториён.
Унинг таъкидлашича, бу “қўшни давлатнинг расмий баёноти эмас” балки “шунчаки тарихий асосга эга бўлмаган телеканал материали”.
Ўтган ҳафта CNN телеканали Абу Али ибн Синони ўзбек олими сифатида таништирган.
Изоҳ (2)
Assalomu alaykum. Ibn Sinoning millati rostdanham forsiy-tojik. U 980-yilda Buxoroning Afshona qishlogʻida tugʻilgan.Har qanday joyda buni isbotlayman!!!
Alloh rozi boʻlsin.
Асосийси мусулмон булган !!! Хозирда миллатчилик авж олди. Мусулмонлар тарихи билан ота бобоси билан мактанадиган булиб колди. Хозирда узлари аянчли холатда эканидан хабарлари йукдай.