Балиқ ёғи терини парвариш қилиш: озиқлантирувчи, намлантирувчи ва ёшартирувчи таъсирга эга қимматбаҳо маҳсулотдир. У омега-3 ёғ кислоталарига ҳамда тери гўзаллигини сақлаш учун керак бўлган барча витаминларга бой.
Омега-3 тери учун кўплаб фойдали хусусиятларга эга. Жумладан, ушбу ёғ кислоталари терида қизаришни бартараф этади, эластиклигини оширади, намлантиради ва натижада мимик ажинлар камая бошлайди. Омега-3 таркибидаги А ва D витаминлари терини эркин радикаллардан ҳимоя қилади, ҳужайралар янгиланишига ёрдам беради ва тери рангини яхшилайди.
Илмий тадқиқотлар ҳам балиқ ёғининг тери парваришида самарали эканини бир неча бор тасдиқлаган. Масалан, Маrinе Drugs журналида чоп этилган 2018 йилги тадқиқотга кўра, балиқ ёғи дерматит, псориза касалликлар, аллергия, тери саратонида фойдали бўлиши мумкин.
Дорихоналардаги балиқ мойи ёки таркибида омега-3 бўлган крем воситаларини танлашда уларнинг таркибини текшириш зарар қилмайди. Кремга турли хушбўйлантирувчи моддалар қўшилган маҳсулотларнинг эффекти камроқ бўлиши ҳам мумкин.
Балиқ ёғи қўшилган воситалар терини тинчлантиришга ёрдам беради ва қуришнинг олдини олади. Бундай маҳсулотларни уйқудан аввал ишлатиш лозим, аммо уларни кўп миқдорда қўлламаслик тавсия этилади.
Бундан ташқари, тери орқали организмга сўриладиган озуқа моддаларининг миқдори чекланган бўлади. Шунинг учун фақатгина ташқи парвариш билан эмас, балки танқислиги аниқланган озуқавий қўшимчалар билан организмда тўйинтириш тавсия этилади.
Хулоса қилганда, балиқ ёғи таркибли косметик воситалар табиий ва самарали бўлиб, тери парвариши ва озиқлантиришда кони фойдадир.
Изоҳ (0)