Футбол мутахассиси Алишер Никимбаев “Манчестер Сити” клубига ўтаётган ўзбекистонлик ҳимоячи Абдуқодир Ҳусановнинг жорий мавсумдаги Европа Чемпионлар Лигасида иштирок этиши бўйича саволга жавоб берди.
-sOHOPJRy.jpeg)
“Абдуқодир «Манчестер Сити”нинг УЕФА Чемпионлар Лигасида умумий гуруҳ босқичида қолган иккита баҳсида ўйнай олмайди, чунки гуруҳ босқичи учун аризалар 3 сентябрь куни ёпилган.
Аммо Ҳусановда плей-оффда иштирок этиш имконияти бор. Ҳар бир клуб гуруҳ босқичи якунлангач, 6 февралгача кўпи билан 3 нафар янги ўйинчини қайдномага кирита олади.
Шуни қўшимча қиламанки, янги ўйинчилар УЕФА Чемпионлар Лигасида (ёки умуман еврокубокларда) бошқа клубларда ўйнаган-ўйнамаганидан қатъи назар таркибга киритилиши мумкин”, — деб ёзади Алишер Никимбаев ўз телеграм каналида.
Маълумот учун, Абдуқодир Ҳусанов “шаҳарликлар” билан 4,5 йилга мўлжалланган шартнома имзолаган. Футболчи ўзи учун 45-рақамни танлаган. Ушбу трансфер қиймати 40 миллион еврони ташкил этади.
Изоҳ (0)