Жорий йил 3 январь куни австралиялик ва америкалик актёр, режиссёрлик иши учун “Оскар” совриндори бўлган Мел Гибсон 69 ёшга тўлди. “Тим” мелодрамаси, “Телба Макс” ҳамда “Шерюрак” жангари фильми орқали танилган актёр ҳақида қуйида қизиқарли фактлар ҳақида маълумот берамиз.
Бардаги жанг туфайли режиссёрлар эътиборига тушган
Мел Гибсон ёшлигида актёр дўсти Стив Бисли билан Жорж Миллер томонидан суратга олинаётган жанговар фильм учун тингловга келади. Бир кун аввал эса Гибсон маҳаллий барлардан бирида муштлашгани сабабли унинг юзида кўкаришлар ва турли жароҳатлар қолади. Мелни пайқаган режиссёр унинг актёр эканлигига шубҳа ҳам қилмайди, айниқса унинг ташқи кўриниши режиссёрлар эътиборини тортади. Шундай қилиб, ёш австралиялик йигитга “Телба Макс” фильмидаги Макс Рокатанский роли насиб этади.
Фильм ҳақиқий сенсацияга айланди ва машҳур франшизанинг бошланишини белгилаб беради. Гибсон учун бу рол унинг кино соҳасида ўз фаолиятини бошлашига йўл очади.
Уч аёлдан тўққиз нафар фарзанд
Кўпроқ насл қолдириш истаги Гибсоннинг ўзи кўп фарзандли оила (11 та фарзанд) да туғилиб ўсгани сабабли юзага келган. Мел оилада олтинчи бола бўлган унинг ота-онаси Хаттон ва Энн католик урф-одатларига содиқ бўлиб, оилавий муносабатлар ва насл масаласини ҳамма нарсадан устун қўйган. Бу қарашлар Мел барпо қилган оилага ҳам таъсир қилган.
Актёр Робин Мур билан 28 йил давом этган никоҳида етти нафар фарзанди туғилган. Аммо жуфтлик узоқ йиллик никоҳ ва болаларга қарамай 2011 йилдаги ажралишган. Бу воқеа Гибсон учун ҳақиқий зарба бўлган.
Сўнг актёр россиялик пианиночи Оксана Григорева билан турмуш қурган. Бу никоҳда 2009 йилда Лусия исмли қиз дунёга келган. Аммо уларнинг муносабатлари узоқ давом этмади ва эр-хотин турли низолар, жанжаллар ва катта суд иши билан ажралди.
Кейинчалик Гибсон ўзидан 34 ёш кичик бўлган сценарий муаллифи ва от спорти бўйича собиқ чемпион Розалинд Росс билан яшай бошлади. 2017 йилда 61 ёшли актёр тўққизинчи марта ота бўлди — уларнинг оиласида - эр-хотин Ларс Жерард исмли ўғил дунёга келди.
Спиртли ичимликларга қарамлик
Юлдузнинг алкоголь маҳсулотларига муккасидан кетиши ёшлигидан бошланган. Спиртли ичимликлар Мелга деярли бутун умри давомида ҳамроҳ бўлди, шу сабабли актёр кўплаб муаммоларга дуч келди. Жумладан, 2006 йилда Гибсон маст ҳолда машина бошқаргани учун ҳибсга олинди. Ҳибсга олиш чоғида у полицияга нисбатан ёмон сўзлар айтиши унинг карьерасига салбий таъсир кўрсатди.
Гибсон бир марта ўз жонига қасд қилишга ҳам уринган. У спиртли ичимликларни суиистеъмол қилиш натижасида юзага келган депрессия даврида ўлимдан қолган. Бунга унинг яқин инсонлари ёрдам берган. Актёрнинг сўзларига кўра, вақт ўтиб, у алкоголга қарамликни енгган ва ҳозирда спиртли ичимликлардан узоқроқ юради.
Мел Гибсон кўплаб ёрқин ролларни рад этган
1980 йилларда лойиҳани тарк этган Рожер Мур ўрнига 007 агенти ролини таклиф этишади, бироқ актёр бошқа франшиза билан исмини боғлашни истамай, буни рад этди ва охир-оқибат рол Тимоти Далтонга насиб этади.
Бундан ташқари, Гибсон Ридли Скоттнинг “Гладиатор” фильмида суратга тушиш таклифини ҳам рад этган, мазкур рол бошқа австралиялик Расселл Кроуга берилган.
Актёрнинг шахсий ороли бор
2005 йилда Мел Гибсон Фижи архипелагидаги Манго оролини Токио корпорациясидан 15 миллион долларга сотиб олган. Тинч океанининг тиниқ сувлари билан ўралган, майдони тахминан 22 километр квадрат бўлган гўзал табиатли орол келажакда актёр туристик ҳудудга айлантириш ёки ижарага беришдан бош тортади. Гибсон курортни ривожлантириш ниятида эмас, аксинча оролнинг бор гўзаллигини сақлаб қолмоқчи холос. У маҳаллий экотизимга ғамхўрлик қилиб, оролни асл кўринишида сақлаб қолишга ҳаракат қилади.
Изоҳ (0)