Гренландия бош вазири Муте Эгеде Дональд Трампнинг оролни АҚШга бериш ҳақидаги талабларидан кейин Дания қироли Фредерик Х билан учрашади.
Бу ҳақда Дания қироллигига таяниб, Reuters агентлиги хабар берди.
“8 январь куни Гренландия раҳбари Копенгагенда Дания қироли билан учрашади”, — дейилади агентлик хабарида.
Аввалроқ Трамп Гренландия АҚШнинг бир қисмига айланиши кераклигини айтиб, унинг миллий хавфсизлик ва “эркин дунё”ни, жумладан Хитой ва Россияни ҳимоя қилиш учун стратегик аҳамиятини таъкидлаган эди.
Шунингдек, у Гренландия ва Панама канали устидан назоратни қўлга киритиш учун ҳарбий куч ишлатмасликка ваъда беришдан бош тортди.
Гренландия бош вазири Муте Эгеде Трампнинг бу сўзларига жавобан Гренландия ҳеч қачон сотилмаслигини айтиб ўтганди.
Гренландия 1953 йилгача Даниянинг мустамлакаси эди. У ҳанузгача қиролликнинг бир қисми бўлиб қолмоқда, аммо 2009 йилда орол ўзини ўзи бошқариш ва ички сиёсатда мустақил танлаш имконияти билан автономияга эга бўлган.
Кеча, 7 январь куни Дональд Трампнинг Гренландияни сотиб олиш ҳақидаги таҳдидидан сўнг Дания гербини ўзгартиргани хабар қилинганди.
Фредерик Х Норвегия ва Швеция билан иттифоққа ишора қилган ва 500 йилдан ортиқ вақт давомида гербда бўлган учта тожни олиб ташлашни буюрди.
Шу билан бирга, Гренландия ва Фарер ороллари герблари — оқ айиқ ва қўчқор — икки қисмга бўлиниб, иккинчи ва учинчи майдонларга кўчирилган, Дания ва Жанубий Ютландия рамзлари эса биринчи ва тўртинчи майдонларга ўтказилган.
Изоҳ (0)