Тошкент— Ҳожикент йўналишида ҳаракатланувчи тезюрар йўловчи электропоездлар 10 январдан бошлаб Жанубий вокзалдан ҳаракатланади. Бу ҳақда “Ўзтемирйўлйўловчи” матбуот хизмати хабар берди.
Йўналиш жадвали қуйидагича:
- 7201-сонли Тошкент жанубий— Ҳожикент: Тошкент жанубий 06:24 — Ҳожикент 07:43;
- 7202-сонли Ҳожикент—Тошкент жанубий: Ҳожикент 08:20 — Тошкент жанубий 09:41;
- 7203-сонли Тошкент жанубий—Ҳожикент: Тошкент жанубий 12:39 — Ҳожикент 13:58;
- 7204-сонли Ҳожикент—Тошкент жанубий: Ҳожикент 14:33 — Тошкент жанубий 15:54;
- 7205-сонли Тошкент жанубий—Ҳожикент : Тошкент жанубий 18:35 — Ҳожикент 19:54;
- 7206-сонли Ҳожикент—Тошкент жанубий: Ҳожикент 20:23 — Тошкент жанубий 21:42;
- 6440-сонли Ҳожикент—Тошкент жанубий: Ҳожикент 06:22 — Тошкент жанубий 08:56;
- 6442-сонли Ҳожикент—Тошкент жанубий: Ҳожикент 05:20 — Тошкент жанубий 07:53.
Ушбу тезюрар электропоезд аввал Шимолий вокзалдан ҳаракатланган. Тошкент бўлинмасининг ягона ҳудуд чипта нархи умумий 20 000 сўм, болалар учун: 11 500 сўм этиб белгиланган.
2024 йил декабрида ушбу йўналиш учун янги тезюрар электропоездлар йўлга қўйилди. Поезд соатига 120 километргача тезликка чиқа олади. Шавкат Мирзиёев 6 декабрь куни ушбу поездга чиқиб, ҳаракатланиши ва қулайликларини кўрди. Сафар чоғида давлат раҳбари темирйўл инфратузилмасини ривожлантириш, йўловчилар учун шароитларни яхшилаш, темирйўлларни электлаштириш ва уларга туташ ҳудудларни ободонлаштириш бўйича мутасаддиларнинг ҳисоботларини тинглади.
Тошкент ва Хожикент оралиғидаги темирйўлга туташ майдонларни 2025 йилги реновация дастурига киритиб, уларни тартибга келтиришга кўрсатма берилди. Йўналишдаги эгри қисмларни тўғри қилиб қайта қуриш орқали кунлик экспресс поездлар қатновини кўпайтириш ва кўпроқ йўловчиларга хизмат кўрсатиш учун шароит яратиш топширилди.
Изоҳ (0)