АҚШнинг 39-президенти Жимми Картер 29 декабрь куни 100 ёшида вафот этди. Бу ҳақда унинг ўғли Жеймс Картер III баёнотига таяниб The Washington Post хабар берди.
У шундай кекса ёшгача ҳаёт кечирган АҚШнинг ягона собиқ президенти эди. У Жоржия штатида, ўз уйида вафот этди. 2015 йилда Жимми Картерга саратон ташхиси қўйилган. 2023 йилда у даволанишни давом эттиришдан бош тортган ва умрининг қолган қисмини уйда ўтказишга қарор қилган.
Картер АҚШга 1977 йилдан 1981 йилгача раҳбарлик қилган. 2002 йилда “дунёдаги можароларни тинч йўл билан ҳал қилишга қаратилган саъй-ҳаракатлари учун” тинчлик бўйича Нобель мукофотига сазовор бўлган.
2023 йилнинг ноябрида унинг турмуш ўртоғи Розалин Картер 97 ёшида вафот этганди.
Изоҳ (0)