Ўзсаноатқурилишбанк тизимида тадбиркорларнинг халқаро ва маҳаллий капитал бозорларига чиқиши ҳамда фаолиятини кенгайтиришига кўмаклашувчи янги тузилма – Инвестицион банкинг маркази фаолият бошлади.
Президентимизнинг жорий йил 20 декабрда мамлакатимиздаги фаол тадбиркорлар билан учрашувида соҳани қўллаб-қувватлаш бўйича йил якунлари ва 2025 йилга мўлжалланган режалар муҳокама қилинди.
Давлатимиз раҳбари энди тадбиркорлар банк кредити билан чекланиб қолмасдан, халқаро стандартларга мослашиб, четдан мустақил маблағ олиб келиши лозимлигини таъкидлади.
Ўзсаноатқурилишбанкнинг Инвестицион банкинг маркази тадбиркорларнинг айнан халқаро ва маҳаллий капитал бозорларига чиқиб, глобал молия тизимларига интеграциялашувига яқиндан ёрдам беради.
Бу борада Банк томонидан қуйидаги хизматлар кўрсатилади:
• Тадбиркорларни фонд бозорлари талабларига, хусусан, халқаро стандартлар бўйича ҳисобот тайёрлашга, кредит ва ЭСГ рейтингини олишга ва Дуэ дилигенcеъдан ўтишига кўмаклашиш;
• маҳаллий ва халқаро фонд бозорларида IPO/SPO ҳамда облигациялар (жумладан, евробондлар) чиқариш бўйича консалтинг хизматларини кўрсатиш, ушбу амалиётларни биргаликда амалга ошириш;
• облигациялар ва акцияларни халқаро ҳамда маҳаллий капитал бозорларида чиқариш, шунингдек андеррайтер, ташкилотчи, букраннер ва брокер сифатида бошқариш;
• “яшил” молиялаштириш ва ЭСГ ташаббуслари доирасида барқарор молиявий ечимларни тақдим этиш;
• хориждан тўғридан тўғри кредит (қарз) олишда ваколатли етакчи ташкилотчи ёки агент сифатида фаолият юритиш;
• лойиҳалар доирасида маҳаллий хизмат кўрсатувчи банк сифатида ишлаш, тўғридан тўғри ва синдикатланган молиялаштириш жараёнларида агент сифатида хизмат кўрсатиш;
• кредиторлар агенти ёки кредиторлараро агент сифатида хизмат кўрсатиш;
• таъминот агенти ёки ишончли бошқарувчи сифатида хизмат кўрсатиш;
• рискларни бошқариш бўйича комплекс ечимлар, жумладан, SWAP, РEPO ва хеджирлаш хизматларини кўрсатиш.
Қайд этиш жоиз, Ўзсаноатқурилишбанк Ўзбекистондаги йирик молиявий институтлардан бири бўлиб, унинг бугунги кунда жами активлари 77 триллион сўмни ташкил этади.
“Fitch Ratings” ва “С&П Глобал” халқаро рейтинг агентликлари кўп йилдан буён банк рейтингини ББ-, истиқболи “барқарор”, дея тасдиқлаб келмоқда. Шунингдек, Ўзбекистон Республикаси Марказий банки томонидан ҳам муассаса 2025 йил учун тизимли аҳамиятга эга банклар қаторига киритилди.
Бундан ташқари, банк маҳаллий корпоратив эмитентлар орасида биринчилардан бўлиб 2019 йилда ўз евробондларини халқаро фонд бозорида муваффақиятли жойлаштирган.
Шу билан бирга, Лондон фонд биржасида ҳам банкнинг “яшил” ҳамда барқарор ривожланиш дастурлари бўйича чиқарган халқаро облигациялари салоҳиятли инвесторларга сотилган.
Инвестицион банкинг маркази банкнинг ушбу йўналишда тўплаган тажрибалари асосида фаолият юритиб, маҳаллий ва хорижий инвесторлар учун кенг имкониятлар яратади.
Реклама ҳуқуқи асосида.
Изоҳ (0)