“Оппенгеймер” фильми режиссёри ва “Оскар” мукофоти совриндори Кристофер Нолан в Буюк Британия қироли Чарльз III томонидан рицар унвонига, унинг рафиқаси Эмма Томас кино соҳасидаги хизматлари учун Томас хоним унвонига сазовор бўлди.
Тақдирлаш маросими 18 декабрь куни Букингем саройида бўлиб ўтди. Ноланнинг сўзларига кўра, қирол Чарльз III “Оппенгеймер”ни севиб томоша қилган.
“Британия қироли шахсан мен ва рафиқам қаламига мансуб фильмни яхши кўришини эшитиш биз учун катта шараф эди. Чарльз II нинг бу сўзларини мен янада кўпроқ ривожланишим учун рағбат сифатида қабул қилдим”, деди режиссёр.
Ноланниг рафиқаси Эмма Томас ҳам “ҳаётида бундай воқеа содир бўлишини кутмагани” ни ва турмуш ўртоғи билан фахрланишини айтди.
Маълумот учун, рицарлик унвонига сазовор боълган эркакларга нисбатан “knight” (“жаноб”), аёлларга “хоним” (damе) мурожаатларини ишлатишади. Иккала унвон аҳамияти бўйича тенг ҳисобланади.
Британия монархи томонидан рицар унвони бошқа машҳурларга ҳам берилган, жумладан, британиялик актёрлар Шон Коннери, Энтони Ҳопкинс, Бенедикт Камбербетч, хонандалардан Мик Жеггер, Пол Маккартни ва Элтон Жон кабилар ҳам рицарлик мақомига эга.
Кристофер Ноланнинг сўнгги “Оппенгеймер” фильми “Оскар” мукофотини қўлга киритиш бўйича етакчи лойиҳага айланди. Асар 13 номинация ичидан бирданига еттитасида ғолиб бўлди. Улар орасида “Энг яхши фильм”, “Энг яхши режиссёр”, “Энг яхши бош рол ижрочиси” ва “Энг яхши иккинчи пландаги актёр” каби номинациялар бор.
Изоҳ (0)